ԵՐԵՎԱՆ, 24 հուլիսի — Sputnik. Վանդալները հարձակվել են Սան Ֆրանցիսկոյի հայկական դպրոցի վրա։ Նման ահազանգ է Twitter-ում հնչեցրել Հայ դատի հանձնախմբի արևմտյան խորհրդի անդամ Ալեքս Գալիցկին` հրապարակելով նաև լուսանկար։
Մոսկվայի ոստիկանությունը ձերբակալել է հայկական պետհամարանիշներով BMW-ի վրա հարձակվողներին
«Վանդալները հարձակվել են Սան Ֆրանցիսկոյի KZV հայկական դպրոցի վրա։ Սա հայերի վրա Ադրբեջանի ռասիստական կառավարության կողմից հրահրվող հարձակումների շարքից է»,–գրել է նա։
The KZV Armenian school in San Francisco was vandalized overnight as part of a series of global attacks on #Armenians incited by #Azerbaijan’s racist govt. that has seen Armenians attacked in Russia, businesses burnt in Ukraine, and our embassy targeted in Germany. pic.twitter.com/2NgKWXjHrA
— Alex Galitsky (@algalitsky) July 24, 2020
Գալիցկինը հիշեցրել է նաև, որ հայերի վրա հարձակումներ են եղել Ռուսաստանում, իսկ Գերմանիայում հրկիզել էին Հայաստանի դեսպանության մեքենան։
Լուսանկարում, որը հրապարակել է Հայ դատի հանձնախմբի արևմտյան խորհրդի անդամը, երևում է դպրոցի պատերին Հայաստանի հասցեին գրած վիրավորանքները և սպառնալիքները։
Ավելի վաղ հայտնել էինք, որ այս գիշեր Մոսկվայում հարձակվել են հայերի վրա։ Համացանցում հրապարկված տեսանյութերում երևում է, թե ինչպես են ծեծում հայկական պետահամարանիշով ավտոմեքենայում գտնվող վարորդին, տարեց տղամարդուն, փողոցում կանգնած տղամարդկանց։
Տարբեր երկրներում ապրող հայերի ու ադրբեջանցիների հարաբերությունները սրվել են հայ-ադրբեջանական սահմանին տիրող իրավիճակի պատճառով։ Բախումներ են գրանցվել Ռուսաստանում, Ֆրանսիայում, ԱՄՆ-ում, Լեհաստանում, Լիտվայում և այլ երկրներում։
