ԵՐԵՎԱՆ, 22 հուլիսի — Sputnik. Երևանի Ուլնեցու և Սևակի փողոցների խաչմերուկում տեղի է ունեցել ճանապարհատրոնսպորտային պատահար, կան տուժածներ։ Տեղեկությունը հայտնում է ՀՀ ԱԻՆ մամուլի ծառայությունը։
Ավելացել են վթարները, որոնք տեղի են ունենում հանդիպակաց գոտի դուրս գալու պատճառով
Նշվում է , որ վթարի մասին ահազանգն ԱԻՆ Ճգնաժամային կառավարման ազգային կենտրոնում ստացել են հուլիսի 21-ին, ժամը 19։51-ին։
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։
«Պարզվել է, որ բախվել են «Mercedes-Benz» (վարորդ՝ Աշոտ Ս․) և «Skoda» մակնիշների ավտոմեքենաները (վարորդ՝ Արմեն Շ․, ծնված 1975 թ․)։ ՃՏՊ-ի հետևանքով «Mercedes-Benz» մակնիշի ավտոմեքենայի ուղևորները (Ժիրվարդ Գ․, Հակոբ Ս․ և Գրիգոր) և Արմեն Շ․-ն ստացել են տարբեր աստիճանի մարմնական վնասվածքներ»,–ասվում է ԱԻն հաղորդագրության մեջ։
Փրկարարները Ժիրվարդ Գ․-ին դուրս են բերել ավտոմեքենայից և մոտեցրել շտապօգնության ավտոմեքենային։ Տուժածները հոսպիտալացվել են «Հերացի» թիվ 1 հիվանդանոցային համալիր, որտեղ բժիշկները նրանց առողջական վիճակը գնահատել են ծանր։
Փրկարարները հոսանքազրկել են «Skoda» մակնիշի ավտոմեքենան և փակել «Mercedes-Benz» մակնիշի ավտոմեքենայի գազի բալոնի փականը։
