Համացանցում է հայտնվել ադրբեջանական ԶՈւ–ի կամիկաձե SkyStriker ԱԹՍ–ի լուսանկարը, որը հայկական կողմը որսացել է ռադիոէլեկտրոնային պայքարի (ՌԷՊ) միջոցների օգնությամբ։
062 սերիական համարով, իսրայելական արտադրության ԱԹՍ–ն չի հասցրել հարվածել հայկական դիրքերին և բնակավայրերին. այն պարզապես որսացել են հայերը։
Պարեկություն իրականացնող SkyStriker զինամթերքը արտադրել է Elbit Systems ընկերությունը։ Այն դանդաղընթաց փոքր (մինչև 190 կմ/ժ) ԱԹՍ է` հրող պրոպելլերով և էլեկտրաշարժիչով։ ԱԹՍ–ն 35 կգ է, մարտական հատվածը` 5-10 կգ։ Սարքը օդում կարող է մնալ մինչև երկու ժամ։ Սարքի կառավարումն իրականացնում է օպերատորը։
Հայտնի է, որ նման ԱԹՍ–ներ են կիրառվել Սիրիայում։
Հայկական ԶՈւ ստորաբաժանումները 13 ԱԹՍ են խոցել
Ռազմական փորձագետ, «Օրբելի» կենտրոնի աշխատակից Տարոն Հովհաննիսյանի խոսքով` այս օրերին ադրբեջանական ԶՈւ–ն Տավուշի մարզի սահմանամերձ բնակավայրերի և հայկական բանակի դիրքերի գնդակոծման ժամանակ հիմնականում այս ԱԹՍ–ներն է օգտագործվում։
Եթե Hermes 900–ն իրենցը չէ, հետաքրքիր է` ո՞ր երկիրն է խախտել մեր օդային սահմանը. ՊՆ խոսնակ
Ու թեև հայկական կողմը ծանոթ է SkyStriker–ի մարտատեխնիկական բնութագրերին, այդուհանդերձ անվնաս ԱԹՍ–ի առկայությունը սեփական ՀՕՊ–ն ավելի լավ կազմակերպելու ևս մեկ հնարավորություն է` անկոչ հյուրերին չեզոքացնելու համար։
Այս սարքերն Ադրբեջանի նախագահ Իլհամ Ալիևին առաջին անգամ ցույց էին տվել 2019 թվականի հունվարին, երբ նա Բաքվի Թյուրքյան ավանում այցելել էր պետական սահմանային ծառայության առափնյա պահպանության նավաշինության և վերանորոգման կենտրոն։
