ԵՐԵՎԱՆ, 16 հուլիսի — Sputnik. Տավուշի սահմանամերձ Պառավաքար գյուղում վերակառուցվում է խմելու ջրի հնամաշ ցանցը։ Տեղեկությունը լուսանկարներին կից Facebook-ի իր էջում հայտնել է ՀՀ տարածքային կառավարման և ենթակառուցվածքների նախարար Սուրեն Պապիկյանը։
«Սահմանն ամուր է, իսկ սահմանի գյուղերը շարունակում են զարգանալ։ Եվս մեկ կենսական խնդիր է լուծվում սահմանապահ համայնքում»,–գրել է նախարարը:
Նա տեղեկացրել է, որ 155 մլն դրամ ֆինանսավորմամբ կարդիականացվի դեռևս խորհրդային շրջանում անցկացված համակարգը, որը միայն մասնակի էր ապահովում գյուղի ջրամատակարարումը:
Կրակոցներից տուժած Այգեպարն ու Ներքին Կարմրաղբյուրը լուսանկարներով
Աշխատանքների ավարտից հետո խմելու ջուր կունենա սահմանապահ Պառավաքարի ողջ բնակչությունը:
