ԵՐԵՎԱՆ, 16 հուլիսի - Sputnik. ՀՀ պաշտպանության նախարարության ներկայացուցիչ Արծրուն Հովհաննիսյանը հորդորում է կամավորական առանձին խմբերով Տավուշ չմեկնելը։
Մեր 4 զոհերը հայրենիք–պետության զոհասեղանին դրեցին ամենաթանկը. Փաշինյանը Եռաբլուրում է
«Հորդորում ենք բացառել կամավորական առանձին խմբերով Տավուշ մեկնելը և ավտոերթեր չկազմակերպել դեպի Տավուշ։ Այս պահին նման ակցիաները կարող են խանգարել ԶՈւ-երի և տեղական ինքակառավարման մարմինների բնականոն գործունեությանը»,– Facebook սոցիալական ցանի իր էջում գրել է Հովհաննիսյանը։
Նշենք, որ արդեն իսկ մի խումբ կամավորներ մեկնել են Տավուշ, այդ թվում`«Արծիվ-30» մահապարտների ջոկատի անդամները։ Բացի այդ՝ այսօր ԱԺ «Իմ քայլը» խմբակցության պատգամավոր, եզդիական համայնքի ներկայացուցիչ Ռուստամ Բաքոյանն ԱԺ ամբիոնից հայտարարեց` հայաստանաբնակ տասնյակ եզդիներ պատրաստ են մեկնել սահման։
Հիշեցնենք, որ երեկ նույնպես Հովհաննիսյանը հայտնել էր` մարտական գործողությունների ծավալն այնպիսին չէ, որ կամավորները կամ պահեստազորայինները ներառվեն դրանցում։
Հուլիսի 12–ից իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով։ Տավուշի ուղղությամբ ՀՀ պետական սահմանը խախտելու փորձեր են արել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր:
Դրանից հետո հակառակորդը պարբերաբար վերսկսում է գնդակոծությունն ինչպես հայ դիրքապահների, այնպես էլ բնակավայրերի ուղղությամբ։
Այս ամենը բոլոր միջազգային կոնվենցիաների ակնհայտ, ճչացող խախտում է. Արարատ Միրզոյան
Հուլիսի 16-ի պաշտոնական տվյալներով՝ Ադրբեջանն ունի 11 զոհ, իսկ հայկական կողմը` 4 զոհ, 10 վիրավոր։ Հակառակորդի կրակոցների հետևանքով զոհվել են զինծառայողներ Սմբատ Գաբրիելյանը, Գրիշա Մաթևոսյանը, Սոս Էլբակյանը և Գարուշ Համբարձումյանը։ ՀՀ նախագահ Արմեն Սարգսյանի հրամանագրով` նրանք հետմահու պարգևատրվել են։
