ԵՐԵՎԱՆ, 14 հուլիսի – Sputnik. Այսօր՝ հուլիսի 14-ին, Հայաստանում գտնվող Ռուսաստանի Դաշնության 92 քաղաքացիներ կարողացել են Վրաստանի տարածքով հայրենիք վերադառնալ։ Տեղեկությունը հայտնում են Հայաստանում ՌԴ դեսպանությունից։
Քաղաքացիների տեղափոխումը կատարվել է «Հարավկովկասյան երկաթուղի» ՓԲԸ-ի տրամադրած տրանսպորտային միջոցներով։
«ՀՀ-ում Ռուսաստանի դեսպանության աշխատակիցները ՌԴ քաղաքացիներին ուղեկցել են հայ-վրացական սահման և անհրաժեշտ օգնություն ցուցաբերել այն հատելու համար»,-նշված է հաղորդագրության մեջ:
Հայաստանում ՌԴ դեսպանությունը շնորհակալություն է հայտնում Հայաստանի և Վրաստանի կառավարություններին, ինչպես նաև «Հարավկովկասյան երկաթուղի» ՓԲԸ-ի ղեկավարությանը` ՌԴ քաղաքացիներին հայրենիք վերադարձնելու գործում ցուցաբերած օգնության համար:
Աննախադեպ. իրականացվել է Լոս Անջելես-Երևան առաջին հատուկ չվերթը
