Մեր օրերում բորտուղեկցորդի մասնագիտությունը համարվում է առավելապես կանացի, մինչդեռ քաղաքացիական ավիացիայի ձևավորման սկզբում բորտուղեկցորդներ կարող էին լինել բացառապես տղամարդիկ։
Առաջին կին-բորտուղեկցորդները սկսել են աշխատել 1930 թվականից։ Կանայք մի քանի առավելություն ունեին։ Առաջին հերթին՝ նրանք ավելի թեթև քաշ ունեին, քան՝ տղամարդիկ, իսկ այն ժամանակ դա կարևոր էր ինքնաթիռների համար։ Երկրորդը՝ ինքնաթիռում գեղեցիկ աղջիկների ներկայությունն արդեն գովազդ էր ավիաընկերության համար։ Նրանք իրենց օրինակով ապացուցում էին, որ ինքնաթիռները սարսափելի չեն, քանի որ նույնիսկ փխրուն կանայք չեն վախենում թռչել:
Շատերին դեռ թվում է, որ այն շատ ռոմանտիկ մասնագիտություն է, չէ՞ որ դու թռչում ես ու բազմաթիվ երկրներ տեսնում։ Բայց այստեղ կարևոր է հասկանալ, որ բորտուղեկցորդները հաճախ չեն լքում օդանավակայանի տարածքը։
Մինչև վերջին պահը փրկում էր ուղևորներին. SSJ-100-ի բորտուղեկցորդը շնչահեղձ է եղել
Ի վերջո, այնքան էլ ռոմանտիկ չէ զայրացած, աղմկող ուղևորին բարեհամբույր պատասխանելը, առաջին բուժօգնություն տրամադրելը և նրա կյանքը փրկելը, կամ եթե, Աստված մի արասցե, չնախատեսված բան է տեղի ունեցել և ինքնաթիռը պետք է «կոշտ» վայրէջք կատարի։ Պատմությանը բազմաթիվ դեպքեր են հայտնի, երբ բորտուղեկցորդների ճիշտ գործողությունների շնորհիվ հաջողվել է փրկել բազմաթիվ ուղևորների կյանքեր։
Armenia-ն նոր «աստղեր է» վառում. ընկերությունը ներկայացրել է «բաղձալի աշխատանքի» պայմանները
.jpg){kind=link}