Վիգեն Հակոբյանի դիտարկմամբ՝ ֆորմալ տեսակետից արտակարգ դրության ռեժիմ պարտադրող որևէ խնդիր դեռ լուծված չէ, և իշխանությունը կարող է իրեն իրավունք վերապահել ու ասել՝ քանի որ պատճառները, որոնք բերել են արտակարգ դրություն մտցնելուն, չեն վերացել, ապա պետք է շարունակել այդ ռեժիմը:
«Իրավական տեսանկյունից դա այն ռեժիմն է, որը թույլ է տալիս իշխանությանը համավարակի դեմ պայքարի անվան տակ սահմանափակել քաղաքացիների իրավունքները և նոր վարքագիծ պարտադրել։ Ու եթե չլինի այդ իրավական ռեժիմը, ապա հնարավոր չի լինի մարդկանց պարտադրել անձնագրով ման գալ կամ տուգանել: Այս ամենը ֆորմալ առումով մտցվել է համավարակի անվան տակ, սակայն օբյեկտիվ կամ սուբյեկտիվ պատճառներից ելնելով որևէ խնդիր չի լուծվել»,- նշում է քաղտեխնոլոգը:
Վիգեն Հակոբյանի կարծիքով՝ վաղուց արդեն զգացվում է, որ արտակարգ դրության ռեժիմի երկրարաձգումն ունի քաղաքական ենթատեքստ. նախ այն առումով, որ իշխանությունը փորձում է օգտագործել բողոքի ցույցեր կամ հանրահավաքներ անելու սսհմանափակումները՝ ելնելով իր քաղաքական նպատակներից: Ըստ նրա՝ անցյալ ամսվա ընթացքում Ծառուկյանի հետ կատարվածը դրա ապացույցն էր, երբ իշխանությունն օգտագործեց սահմանափակումներն ու ցրեց բողոքի ակցիաները:
«Եթե կոնկերտ արդյունքների բացակայության պայմաններում երկարաձգվի արտակարգ դրության ռեժիմը, ապա դա կարժանանա ավելի շատ քաղաքական գնահատականների և օբյեկտվ քննադատությունների»,- նշում է քաղտեխնոլոգը:
Անդրադառնալով համավարակի պայմաններում իշխանության բարձր վարկանիշին՝ Վիգեն Հակոբյանն ընդգծում է, որ սոցհարցումները Հայաստանում վաղուց կարծիքն ուսումնասիրելու գործիքից վերածվել են կարծիք ձևավորելու գործիքի, և կարծես ավանդույթ է դարձել, որ սոցհարցումներին այլևս լուրջ չեն վերաբերվում: Ընդդիմադիրները գտնում են, որ դրանք չեն արտացոլում իրական պատկերը, իսկ իշխանությունների համար դրանք վերջին ատյանի ճշմարտություն են: Մյուս կողմից, եթե սոցհարցումներին չկան այլընտրանք, ապա չկա նաև համեմատություն ունելու հնարավորություն:
«Բացի հարցումներից, կա իրական կյանք, կան իրական տպավորություններ, հետևաբար յուրաքանչյուրն իր սեփական հարցումներն է անցկացնում՝ ուսումնասիրելով հասարակական տարբեր ակտիվ շերտերի վարքագիծը: Այնուամենայնիվ անբնական կլիներ, եթե իշխանությունների վարկանիշն անցած 3-4 ամիսների ընթացքում չընկներ, երբ սկսեց մոլեգնել համավարակը` դրանից բխող սոցիալ-տնտեսական հետևանքներով և իշխանության անկարողությամբ, սակայն ներկայացվում են թվեր, որոնց համաձայն՝ իշխանության և մասնավորապես վարչապետի վարկանիշը կարող է հասնել ավելի մեծ թվերի, քան եղել է նախկինում»,- տարակուսում է քաղտեխնոլոգը:
«Իմ քայլը» չի բացառում, որ դիմակ չդնելու տուգանքների բարձրացման նախագիծը կարող է հասնել ԱԺ
Հակոբյանի գնահատմամբ՝ իշխանությունն արդյունահնդերձ զգուշավորություն է դրսևորում, և նյրադային արձագանքները ցանկացած քննադատության, առավել ևս զանգվածային բողոքի ակցիաների նկատմամբ, վկայում է այն մասին, որ գուցե իշխանությունն ունի սոցհարցումների այլընտրանքային այլ արդյունքներ:
Հիշեցնենք` մարտի 16–ից Հայաստանում արտակարգ դրություն է։ ՀՀ կառավարությունը մայիսի 14–ի նիստում որոշեց կորոնավիրուսի կանխարգելման նպատակով հայտարարված արտակարգ դրությունը երկարացնել ևս մեկ ամսով։ Այն կտևի մինչև հուլիսի 13–ը` ժամը 17։00–ը ներառյալ։
Հունիսի 6–ին ՀՀ վարչապետ Նիկոլ Փաշինյանը հայտարարեց, որ ստիպված են կրկին երկարացնել արտակարգ դրության ռեժիմը։
Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։
Արտակարգ դրության ռեժիմի կանոնները խախտելու համար կազմվել է 39 000 արձանագրություն
Մայիսի 18–ից Հայաստանում աշխատում է նաև հասարակական տրանսպորտը, բայց ուղևորներն ու վարորդները պետք է անպայման պաշտպանիչ դիմակով ու ձեռնոցով լինեն։
Հունիսի 4-ից արտակարգ դրության ընթացքում կիրառվող կարգավորումներում փոփոխություններ և լրացումներ են ուժի մեջ մտել։ Այսուհետ բոլոր հանրային բաց տարածքներում դիմակ դնելը պարտադիր է։ Հանրային բաց վայրերում դիմակ կարող են չդնել միայն մինչև 6 տարեկան երեխաները, հեծանիվ վարողներն ու ֆիզիկական վարժություններ անողները։
Հուլիսի 6-ին Փաշինյանը պարետատան նիստից հետո հայտնեց, որ հուլիսի 13-ին ավարտվող արտակարգ դրության ռեժիմը կերկարացվի ևս մեկ ամսով։
