ԵՐԵՎԱՆ, 1 հուլիսի — Sputnik. ՀՀ առողջապահության նախարար Արսեն Թորոսյանն այսօր այցելել էր Արարատի մարզի Վեդու և Արտաշատի բժշկական կենտրոններ: Տեղեկությունը Facebook-ի իր էջում հայտնել է Արարատի մարզպետ Գարիկ Սարգսյանը։
Արարատի մարզի այս 2 բժշկական կենտրոններն ամբողջությամբ լծվել են կովիդի դեմ պայքարին։
Տեղեկացվում է, որ այցելության ժամանակ բժշկական կենտրոնների տնօրեններից և բուժանձնակազմերից հետ հետաքրքրվել են, թե ինչ խնդիրներ կան և ինչպես է ընթանում կորոնավիրուսով հիվանդների բուժումը: Բժշկական կենտրոնների տնօրենների հետ զրուցել են նաև ԲԿ-ների տեխնիկական հագեցվածության մասին:
Առողջապահության նախարարության միջոցներով Վեդու բժշկական կենտրոնում 5 անգամ հզորացվել է կենտրոնական թթվածնային մատակարարման համակարգը, 32 թթվածնային կետ է ավելացվել հիվանդասենյակներում, հոսանք մատակարարող հին գեներատորը փոխարինվել է նոր՝ ավտոմատացվածով։
Հայաստանում արտադրված կորոնավիրուսի թեստերը շուտով կհայտնվեն հիվանդանոցներում
Բժշկական կենտրոնի լաբորատոր գործիքային ախտորոշման բաժանմունքը տեխնիկապես հագեցվել է (գերժամանակակից, շարժական, թվային ռենտգեն սարքավորում)։
Առաջիկայում նախատեսում են նաև վերելակի տեղադրում:
