ԵՐԵՎԱՆ, 1 հուլիսի – Sputnik. Քաղաքական գործիչ Բորիս Նեմցովի և փիար մասնագետ Եկատերինա Օդինցովայի 18-ամյա դուստրը՝ Դինան, հայտարարել է հայ ընկերոջ՝ Դմիտրի Մաթևոսյանի հետ նշանադրության մասին։ Ուրախալի նորությունը նա գրել է իր Instagram-ում։
Աղջիկը մատանիով լուսանկար է հրապարակել և գրել․ «Շնորհավորանքներ եմ ընդունում»։
Նրա հետևորդներն իսկույն արձագանքել են հրապարակմանը և բազում շնորհավորանքներ գրել, ոմանք էլ խոստովանել են, որ նորությունը խիստ անսպասելի էր։
![Եվս մեկ հարսիկ․ Բորիս Նեմցովի դուստրը նշանվել է հայի հետ Եվս մեկ հարսիկ․ Բորիս Նեմցովի դուստրը նշանվել է հայի հետ - Sputnik Արմենիա](https://cdn.am.sputniknews.ru/img/2358/53/23585322_0:0:1080:1350_600x0_80_0_0_db07b9c1e9b2065a144819ef0e322c2a.jpg)
«Ինչ լավ է», «Արժանի ընտրյալ է», «Խելացի ու գեղեցիկ երիտասարդ է, կեցցեք», «Անսպասելի էր», «Թող ամեն ինչ լավ լինի», «Եվս մեկ հայ հարսիկ», «Ինչո՞ւ այդքան վաղ»,-գրել են հետևորդները։
Նոր հարսիկ ունենք. Ռայմոնդ Պաուլսի թոռնուհին նշանվել է հայի հետ
Նշենք, որ Դինան և Դմիտրին արդեն երեք տարի է, ինչ հանդիպում են։ Երիտասարդները հասակակիցներ են։ Նրանք բոլորովին վերջերս են ստացել դպրոցական ատեստատը և արդեն մտադիր են ամուսնանալ։