ԵՐԵՎԱՆ, 1 հուլիսի — Sputnik. ՀՀ նախագահ Արմեն Սարգսյանը հանդիպել է Կենտրոնական բանկի նախագահ Մարտին Գալստյանի հետ: Տեղեկությունը հայտնում է ՀՀ նախագահի մամուլի ծառայությունը։
«Զրուցակիցները մասնավորապես մտքեր են փոխանակել համավարակի հետևանքով միջազգային ֆինանսական շուկաներում կատարվող փոփոխությունների, մեր երկրում դրանց հնարավոր ազդեցությունների շուրջ։ Նրանք անդրադարձել են համավարակի տնտեսական հետևանքներին և դրանց հաղթահարմանն ուղղված միջոցառումներին»,–նշված է հաղորդագրության մեջ։
Սարգսյանը նաև շնորհավորել է Մարտին Գալստյանին պատասխանատու պաշտոնում ընտրվելու առթիվ, իսկ Կենտրոնական բանկի նախագահը ներկայացրել է ԿԲ–ի ընթացիկ գործունեությունը և ծրագրված աշխատանքները։
Հիշեցնենք՝ Մարտին Գալստյանը Կենտրոնական բանկի նախագահի պաշտոնը ստանձնել է հունիսի 13-ին։ Նա ԿԲ նոր նախագահի միակ թեկնածուն էր։
Գալստյանին առաջադրել էր «Իմ քայլը» խմբակցությունը։
ԿԲ-ն խոստանում է դիմադրել կորոնավիրուսի ոչ միայն երկրորդ, այլև երրորդ, չորրորդ ալիքներին
