ԵՐԵՎԱՆ, 30 հունիսի, Sputnik. Գյումրիում այս տարի շինարարների պակաս չկա. Covid-19-ի պատճառով արտագնա աշխատանքի մեկնող շինարարները տանն են:
![«Փողոցներով որ ման գաս, 1 փոս չես գտնի». Գյումրին է՛լ ավելի գեղեցիկ է լինելու «Փողոցներով որ ման գաս, 1 փոս չես գտնի». Գյումրին է՛լ ավելի գեղեցիկ է լինելու - Sputnik Արմենիա](https://cdn.am.sputniknews.ru/img/2353/70/23537028_0:0:1600:1067_600x0_80_0_0_d195245563dd77cedd3fc95dff736f04.jpg)
«Առաջիկա օրերին կմեկնարկեն Գյումրու փողոցաշինական ծրագրի 2-րդ փուլում ընդգրկված` թվով 15 փողոցների շինարարական աշխատանքները»,-Sputnik Արմենիայի հետ զրույցում նշեց Գյումրու քաղաքապետ Սամվել Բալասանյանը։
![«Փողոցներով որ ման գաս, 1 փոս չես գտնի». Գյումրին է՛լ ավելի գեղեցիկ է լինելու «Փողոցներով որ ման գաս, 1 փոս չես գտնի». Գյումրին է՛լ ավելի գեղեցիկ է լինելու - Sputnik Արմենիա](https://cdn.am.sputniknews.ru/img/2353/70/23537043_0:0:1600:1067_600x0_80_0_0_6f9e2df62f6438c98d42ed2eefe17326.jpg)
Ծրագիրն իրականացվում է Վերակառուցման և զարգացման եվրոպական բանկի (ՎԶԵԲ) հատկացրած միջոցներով։ Ընդհանուր առմամբ, ծրագրի 2 փուլով կնորոգվեն 22 փողոց և 1 հրապարակ:
![«Փողոցներով որ ման գաս, 1 փոս չես գտնի». Գյումրին է՛լ ավելի գեղեցիկ է լինելու «Փողոցներով որ ման գաս, 1 փոս չես գտնի». Գյումրին է՛լ ավելի գեղեցիկ է լինելու - Sputnik Արմենիա](https://cdn.am.sputniknews.ru/img/2353/70/23537033_0:0:1600:1066_600x0_80_0_0_cf6f9c9b3c091790d82ef337ef7e1058.jpg)
ՎԶԵԲ-ի ծրագրի հաջորդ՝ 3-րդ փուլով նույնպես մրցույթ է հայտարարված, որի արդյունքները պարզ կլինեն օգոստոսի 5-ին:
Գյումրու ճանապարհները կբարեկարգվեն. կառավարությունը 4.5 մլն եվրո կտրամադրի
Գյումրու քաղաքապետը նշեց, որ քաղաքում աշխատանքներ են իրականացվելու նաև Համաշխարհային բանկի միջոցների հաշվին: Այս պահին իրականացվում են նախագծա-նախահաշվային աշխատանքները: Ի դեպ, այս ծրագում ընդգրկված են Գյումրու պատմական միջուկի փողոցները և կենտրոնական հրապարակը:
![«Փողոցներով որ ման գաս, 1 փոս չես գտնի». Գյումրին է՛լ ավելի գեղեցիկ է լինելու «Փողոցներով որ ման գաս, 1 փոս չես գտնի». Գյումրին է՛լ ավելի գեղեցիկ է լինելու - Sputnik Արմենիա](https://cdn.am.sputniknews.ru/img/2353/70/23537068_0:0:1600:1067_600x0_80_0_0_b8d59ca1d82c3ddeb1faf94f9163e225.jpg)
«Սա իր մեջ ընդգրկում է մոտ 4 կմ հատված: Նամակ է ուղարկվել Համաշխարհային բանկին՝ ծրագրի շրջանակներում լուծելու նաև Վարդանանց հրապարակի լուսավորության ու որոշ հատվածների նորոգման հարցը»,-նշեց Սամվել Բալասանյանը:
![«Փողոցներով որ ման գաս, 1 փոս չես գտնի». Գյումրին է՛լ ավելի գեղեցիկ է լինելու «Փողոցներով որ ման գաս, 1 փոս չես գտնի». Գյումրին է՛լ ավելի գեղեցիկ է լինելու - Sputnik Արմենիա](https://cdn.am.sputniknews.ru/img/2353/70/23537063_0:0:1600:1067_600x0_80_0_0_0ae812c3fd2e0390b10b9dde016d3b20.jpg)
Անդրադառնալով քաղաքի միջուկի փողոցների տեսքը պահելու հետ կապված` Sputnik Արմենիայի հարցին, Սամվել Բալասանյանը նշեց.
«Ոչ մի մտավախություն չունենաք պատմական միջուկի հետ կապված: Վերակառուցվելու է այն, ինչ կա՝ նույն տեսքով: Պատմական միջուկն ավելի մեծացնելու ենք ու գեղեցկացնելու»:
Նշենք, որ Համաշխարհային բանկը աշխատանքների համար հատկացրել է 2 ու կես միլիարդ դրամ:
![«Փողոցներով որ ման գաս, 1 փոս չես գտնի». Գյումրին է՛լ ավելի գեղեցիկ է լինելու «Փողոցներով որ ման գաս, 1 փոս չես գտնի». Գյումրին է՛լ ավելի գեղեցիկ է լինելու - Sputnik Արմենիա](https://cdn.am.sputniknews.ru/img/2353/70/23537058_0:0:1530:1020_600x0_80_0_0_0d05514052b36d524d2d136a210bab5c.jpg)
Քաղաքապետի խոսքով` համայնքային բյուջեից հատկացված 109 մլն դրամով էլ քաղաքում փոսալցման աշխատանքեր են կատարվել, «փողոցներով որ ման գաս, 1 փոս չես գտնի»:
![«Փողոցներով որ ման գաս, 1 փոս չես գտնի». Գյումրին է՛լ ավելի գեղեցիկ է լինելու «Փողոցներով որ ման գաս, 1 փոս չես գտնի». Գյումրին է՛լ ավելի գեղեցիկ է լինելու - Sputnik Արմենիա](https://cdn.am.sputniknews.ru/img/2353/70/23537053_0:0:1600:1067_600x0_80_0_0_3928903f5eebc75a15d0b8fc0857fb36.jpg)
Բալասանյանը հավելեց, որ սուբվենցիոն ծրագրով Գյումրիում առաջիկայում ևս 17 փողոց է նորոգվելու։
Դրա համար անհրաժեշտ 950 մլն դրամ գումարի 55 տոկոսը հատկացվելու է պետական, իսկ մնացածը՝ համայնքային բյուջեից:
Պապիկյանը դժգոհ է վերահսկողներից. ուզում է` ճանապարհներն էժան սարքվեն, բայց որակով