ԵՐԵՎԱՆ, 23 հունիսի - Sputnik. ՌԴ արտգործնախարար Սերգեյ Լավրովը վստահեցնում է, որ Մոսկվան տարաձայնությունները բանակցությունների սեղանի շուրջ քննարկելու կողմնակից է։
«Ինչ վերաբերում է այն հանգամանքին, ինչպես ասացիք, որ Հնդկաստանն ու Չինաստանը չեն ուզում Արևմուտքի հետ կլինչ անել (բռնցքամարտում արգելված հնարք. խմբ) ու հարցին՝ արդյո՞ք դա մեր համագործակցության համար արգելակ չէ, գիտեք, մենք էլ չենք ուզում Արևմուտքի հետ կլինչ անել։ Մենք ընդհանրապես ոչ ոքի հետ չենք ուզում դրա մեջ մտնել», - Չինաստանի ու Հնդկաստանի արտգործնախարարների բանակցություններից հետո լրագրողների հետ զրույցում ասել է Լավրովը։
ՌԻԱ Նովոստիի փոխանցմամբ՝ ՌԴ ԱԳՆ ղեկավարը նշել է, որ ժամանակակից արևմուտքի հետ շատ դժվար է աշխատել, քանի որ աշխատանքի համար ինչ-որ դիվանագիտական ձև է պետք։
Ռուսաստանի հետ հարաբերությունների ծավալը չափազանց մեծ է. Մնացականյան
«Դեռ չեմ տեսնում, որ մեր որոշ արևմտյան գործընկերները, հատկապես նրանք, ովքեր «երաժշտություն են պատվիրում», դիվանագիտական հարաբերություններ զարգացնելու ունակություն ունենան։ Նրանք ավելի շատ այլ մեթոդներով են աշխատում»,– ավելացրել է Լավրովը։
Եկեք գաղտնազերծենք տեղեկությունները. Պուտինը հոդված է գրել Երկրորդ համաշխարհայինի մասին
Նրա խոսքով՝ Ռուսաստանը բազմիցս ընդգծել է, որ համագործակցության է միտված ինչպես ցանկացած միջազգային կառույցների շրջանակում, այնպես էլ ՄԱԿ-ի Անվտանգության խորհրդի հինգ մշտական անդամների հատուկ պատասխանատվության համատեքստում։
«Մենք կողմ ենք, որ ցանկացած տարաձայնություն առճակատման առարկա չդառնա, այլ քննարկվի բանակցությունների սեղանի շուրջ, բայց ազնվորեն։ Որ խոսվի ոչ միայն մտահոգությունների մասին, այլև կոնկրետ փաստերի, որոնք այդ մտահոգությունների պատճառ են դարձել»,- նշել է Լավրովը։
Հիշեցնենք` ՌԴ-ի ու արևմտյան երկրների հարաբերությունները վատացան Ուկրաինայում տիրող իրավիճակի և Ղրիմի պատճառով, որը հանրաքվեի արդյունքում միացավ Ռուսաստանին։ Արևմուտքը մեղադրեց Ռուսաստանին միջամտության մեջ ու պատժամիջոցներ սահմանեց։ Մոսկվան պատասխան քայլեր ձեռնարկեց ու սկսեց ներմուծվող ապրանքները փոխարինել սեփական արտադրության ապրանքներով։ Վերջերս Եվրոպայում ավելի հաճախ են կարծիքներ հնչում ՌԴ-ի դեմ պատժամիջոցները չեղարկելու մասին։
«Նրա վերաբերմունքը Պուտինի նկատմամբ հանելուկ էր». Թրամփի նախկին խորհրդական
