ԵՐԵՎԱՆ, 20 հունիսի –Sputnik. ՀՀ առողջապահության նախարարության հակահամաճարակային ծառայությունը համալրվում է խիստ անհրաժեշտ տրանսպորտային միջոցներով, որոնք կմեծացնեն Երևանում և մարզերում իրականացվող միջոցառումների որակն ու արագությունը։ Facebook–ի իր էջում տեղեկությունը հայտնել է առողջապահության նախարար Արսեն Թորոսյանը։
«Այս պահին մատակարարվել են 6 ամենագնացներ (ՈՒԱԶ Պատրիոտ և Շեվրոլե Նիվա) և 5 շտապօգնության մեքենաներ (Ֆորդ), իսկ մոտակա 2 ամսում կմատակարարվեն նաև 20 ՈՒԱԶ մակնիշի շտապօգնության մեքենաներ ՀՎԿԱԿ 10 մարզային մասնաճյուղերի համար»,–գրել է Թորոսյանը։
Մեկ օրում` 13 մահվան դեպք. մահացածներից ամենաերիտասարդը 38-ամյա կին է
Նա նշել է, որ այս ծրագիրն իրագործվել է Համաշխարհային Բանկի ծրագրի միջոցով և շնորհակալություն է հայտնել դրա համար։
Հիշեցնենք` հունիսի 20–ի տվյալներով` Հայաստանում կորոնավիրուսով վարակվածների թիվը 19 708 է։
Այս պահին փաստացի բուժում է ստանում 10 409 մարդ, կատարվել է 93 786 թեստավորում, առողջացել են վարակվածներից 8854–ը։ Գրանցվել է մահվան 332 (+13) դեպք։ Այլ պատճառներով մահվան դեպքերի ընդհանուր թիվը 113 է (+3)։
