ԵՐԵՎԱՆ, 17 հունիսի –Sputnik. Հայաստանում ՌԴ դեսպանատան տարածքում կկազմակերպվի Ռուսաստանի սահմանադրության մեջ արվող փոփոխություններին հավանություն տալու հարցի քվեարկությունը։ Տեղեկությունը հայտնում է դիվանագիտական ներկայացուցչությունը։
«2020 թվականի հուլիսի 1-ի ժամը 8.00-20.00–ը Հայաստանում Ռուսաստանի դեսպանատան տարածքում կկայանա ՌԴ սահմանադրության մեջ արվող փոփոխություններին հավանություն տալու հարցի քվեարկությունը։ Քվեարկությանը մասնակցելու համար հրավիրվում են ՀՀ–ի տարածքում մշտական բնակվող կամ ժամանակավորապես գտնվող ՌԴ քաղաքացիները։ Քվեարկությանը մասնակցելիս անհրաժեշտ է ունենալ անձնագիր»,–գրված է դեսպանատան` Facebook–ում հրապարակված հաղորդագրության մեջ։
Քվեարկության ժամանակ կձեռնարկվեն անհրաժեշտ միջոցներ` կորոնավիրուսային վարակի հետ կապված` քաղաքացիների առողջության համար ռիսկերը կանխելու ուղղությամբ։
Սահմանադրությունը չի փոխվի, դրա փոխարեն կընդունվի նորը և հնարավոր է՝ առցանց քվեարկությամբ
Դեսպանատունը հիշեցնում է, որ խստիվ պետք է պահպանվեն COVID-19–ով վարակվելու դեմ ուղղված` պարետատան կողմից առաջարկվող անհատական պաշտպանիչ միջոցառումները։
Դեսպանատան մուտքի մոտ անհպում ջերմաչափման կետ կտեղակայվի։
Հիշեցնենք, որ ավելի վաղ Հայաստանում ՌԴ դեսպան Սերգեյ Կոպիրկինն ասել էր, որ ՀՀ–ի տարածքում քվեարկության օրը ընդհանուր առմամբ 6 ընտրատեղամաս է բացվելու։ Այնուհետև հայտնի դարձավ, որ այդ տեղամասերը նախատեսվում է բացել Երևանում, Գյումրիում և Մեղրիում։
Ռուսաստանը ցավում է Չեխիայի հետ հարաբերություններում առկա խնդիրների համար. Պեսկով
