ԵՐԵՎԱՆ, 17 հունիսի - Sputnik. ՀՀ իշխանությունների քաղաքականությունը դրված է խաղաղության հիմքի վրա: Այսօր Աժ-ում հայտարարեց ՀՀ վարչապետ Նիկոլ Փաշինյանը՝ ի հակադրություն Ադրբեջանի ռազմաշունչ հայտարարությունների վրա:
«Կարծում եմ այդ ռազմաշունչ հայտարարությունների նպատակն այն է, որ ՀՀ-ն և Արցախն արցախյան հարցի լուծումն ընկալեն վախերի պրիզմայով: Միայն այդ դեպքում այդ ռազմատենչ քաղաքականությունը կարող է լինել արդյունավետ: Բայց, քանի որ հայ ժողովուրդը վախեր չունի և մենք ասել ենք, որ բացառվում է՝ ՀՀ-ին բանակցային բովանդակություն պարտադրվի որևէ սպառնալիքի ներքո: Ու, քանի որ այս տրամաբանությունների բերումով այդ ռազմատենչ հռետորաբանությունն այլևս արդյունավետ չէ, ինքը հայտնվում է տեղապտույտի վիճակի մեջ»,- ասաց Փաշինյանը:
ՀՀ վարչապետի կարծիքով՝ Ադրբեջանի ղեկավարությունը խնդիր ունի սեփական ժողովրդին բացատրելու, թե 15 տարվա ըբթացքում այդ ռազմաշունչ տրամաբանության ու հայեցակարգի արդյունքն ինչու չի երևում:
«Եվ այս օդում կախված հարցին պատասխանելու փոխարեն Ադրբեջանը ևս մի աստիճանով բարձրացնում է իր ռազմաշունչ հռետորաբանությունը, որպեսզի ավելի մեծ տպավորություն գործի սեփական ժողովրդի վրա»,- նշեց նա:
Խաղաղ բնակիչներին գնդակոծում էին ուղղաթիռներից. 28 տարի առաջ Շահումյանի շրջանը օկուպացվեց
Փաշինյանը հերթական անգամ կրկնեց Ադրբեջանի նախագահին ուղղված իր կոչը՝ կառուցողական մոտեցում ցուցաբերել ու հրապարակային համաձայնել իր առաջարկած տարբերակի հետ, այն է՝ Արցախի լուծման համար առաջարկվող բանաձևը պետք է ընդունելի լինի ՀՀ, Արցախի ու Ադրբեջանի ժողովրդի համար:
«Ուրիշ բանաձև չկա»,- շեշտեց Փաշինյանը:
ՀՀ վարչապետը նշեց, որ ինքը երբեք չի խորշել անմիջապես Ադրբեջանի ժողովրդին դիմելուց, ու եթե այդ երկրի նախագահի հետ երկխոսությունը չստացվի, Փաշինյանը չի բացառում, որ օգտվի Ադրբեջանի ժողովրդի հետ երկխոսելու պահուստային տարբերակից:
Ում համար` օկուպացիա, ում համար` ազգի վերածնունդ. ո՞ւմ է շահավետ կեղծել պատմությունը
