ԵՐԵՎԱՆ, 16 հունիս – Sputnik. Հեռուստահաղորդավարուհի Ելենա Մալիշևան իր «Մալիշևա Լայվ» նախագծի շրջանակում բացատրել է, թե ինչպես կարելի է ազատվել դիմակի հետևանքով առաջացած բշտիկներից։
Մալիշևայի խոսքով՝ այդ խնդիրը տարածված է ամբողջ աշխարհում, իսկ համացանցի ռուսալեզու տիրույթում անգամ առաջացել է «մասկնե» տերմինը՝ ռուսերեն «маска» (դիմակ) և ակնե բառերի համադրությունից։ Այդպես են անվանում դիմակի պատճառով առաջացած բշտիկները։
Էժան, արագ և որակով. ինչպես դիմակ պատրաստել տանը կամ գրասենյակում. տեսանյութ
«Դուք դիմակ եք դնում, որի մեջ արտաշնչում եք օդը, թուքը, որով սիրում են սնվել մանրէները։ Այդպես էլ ծնվում է ակնեն։ Բայց որպեսզի այդ մանրէները հասցնեն կենտրոնանալ ճարպագեղձերի վրա, ժամանակ է հարկավոր։ Եթե ձեր դեմքին ակնե է առաջացել, նշանակում է՝ չափազանց երկար եք դիմակ դրել։ Այն կա՛մ պետք է փոխել, կա՛մ որոշ ժամանակով հանել»,-ասել է Մալիշևան։
Նրա խոսքով՝ դիմակն արժե փոխել երկու ժամը մեկ։ Իսկ այն հանելուց հետո պետք է լվացվել։
«Բոլորովին կարևոր չէ, թե ինչ օճառով կլվացվեք, կարևորը՝ հաճախ լվացվեք. ամեն անգամ դիմակը հանելուց հետո»,-նշել է նա։
Դիմակի ու ձեռնոցի մասին դեռ շատ կխոսեն. ի՞նչ կհագնեն հայերն այս աշնանն ու ձմռանը
Բշտիկների դեմ պայքարելու երկրորդ տարբերակը, ըստ Մալիշևայի, հակաբեղմնավորիչներն են, որոնք կարելի է ընդունել միայն բժշկի նշանակման դեպքում։ Բշտիկները կարող են առաջանալ ոչ միայն դիմակ դնելու հետևանքով, այլ նաև հորմոնալ խանգարման, մաշկային ճարպի արտադրության դեպքում և այլ գործոնների հետևանքով։ Մալիշևան հիշեցրել է, որ այդ հաբերն ընդունելիս կանանց խորհուրդ չի տրվում հղիանալ։
«Նկատեք, որ ես ոչ մի բառ չասացի ո՛չ ուտելիքի, ո՛չ դիսբակտերիոզի մասին։ Դրանք որևէ կերպ չեն նպաստում ակնեի առաջացման վրա, դա միֆ է։ Ապացուցված է, որ միայն արհեստական կաթը կարող է ազդել ակնեի առաջացման վրա, բայց այն վաճառում են միայն Արևմուտքում, մեզ մոտ նման բան չկա, այնպես որ հանգիստ սնվեք, ինչպես ուզում եք»,-ասել է հաղորդավարուհին։
Դեմքի պաշտպանիչ դիմակները, ինչպես նաև ձեռնոցները, ամբողջ աշխարհում արդիական են դարձել կորոնավիրուսի համավարակի պատճառով։ Ըստ ԱՀԿ-ի՝ դիմակները 90 տոկոսով պաշտպանում են կորոնավիրուսով վարակվելուց։
Ինչ անեն սրտանոթային հիվանդները, երբ դիմակ դնելը բարդացնում է վիճակը. մասնագետի խորհուրդը
