ԵՐԵՎԱՆ, 15 հունիսի - Sputnik. Մոսկվան Չեխիայի դեսպանին պատասխանատվության է կանչել ռուս դիվանագետներին արտաքսելու համարի։ ՌԻԱ Նովոստիի հաղորդմամբ՝ այդ մասին դեսպանն ասել է ՌԴ ԱԳՆ-ում ունեցած հանդիպումից հետո։
Պրահան Մոսկվայից ստացել է այն անձանց ազգանունները, որոնք կհայտարարվեն պերսոնա նոն գրադա։
Ապրիլի վերջին Respekt շաբաթաթերթը հայտնել էր, որ ռուսական դիվանագիտական անձնագրով մի տղամարդ է ժամանել Պրահա է։ Նրա մոտ, իբր, ռիցին է եղել, լրագրողների պնդմամբ՝ երեք քաղաքական գործիչների թունավորելու համար։ Խոսքն այն քաղաքական գործիչների մասին է, որոնք կապ ունեն խորհրդային մարշալ Իվան Կոնևի հուշարձանը ապամոնտաժելու ու ՌԴ դեսպանատան դիմաց նրա անվան հրապարակը Բորիս Նեմցովի անունով կոչելու հետ։
Չեխիայի վարչապետ Անդրեյ Բաբիշը, հղում անելով հատուկ ծառայություններին, նշել է, որ Չեխիայի կառավարությունը ՌԴ երկու դիվանագետներին երկրից արտաքսելու որոշում է կայացրել, ինչը կապված է այն բանի հետ, որ նրանք, իբր, ռիցինի թույն են բերել Չեխիա։ Ռոսսոտրուդնիչեստվոն ՌԻԱ Նովոստիի հետ զրույցում նշել է, ոչ Չեխիայից արտաքսվել են Պրահայում գործակալության ներկայացուցչության ղեկավարի պաշտոնակատարն ու ևս մեկ աշխատակից։
Դիվանագիտական սկանդալ. Չեխիայի դեսպանին Ռուսաստանի ԱԳՆ են կանչել
ՌԴ նախագահի մամուլի քարտուղար Դմիտրի Պեսկովը հայտնել է, որ չեխական լրատվամիջոցների հաղորդագրություններն ասես հերթական սուտը լինեն, իսկ ՌԴ արտգործնախարար Սերգեյ Լավրովը նշել է՝ չկա որևէ ապացույց, որ Մոսկվան փորձել է ինչ-որ մեկին թունավորել Չեխիայում։
Չեխիայի վարչապետ Միլոշ Զեմանը նույնպես կասկած է հայտնել թունավորման փորձի մասին տեղեկության վերաբերյալ, իսկ առաջին փոխվարչապետ Յան Գամաչեկը խոստովանել է, որ ոստիկանությունն ու հատուկ ծառայություններն, ըստ ամենայնի, ապացույց չունեն։
