ԵՐԵՎԱՆ, 14 հունիսի - Sputnik. ՀՀ ազգային անվտանգության ծառայությունը քիչ առաջ արդեն երրորդ հայտարարությունն է տարածել, որում որոշ մանրամասներ է հայտնել ԲՀԿ առաջնորդ Գագիկ Ծառուկյանին առնչվող մեկ այլ քրեական գործից:
Ըստ հաղորդագրության՝ ՀՀ Կոտայքի մարզի Առինջ համայնքի ղեկավար պաշտոնատար անձինք, անձնական շահագրգռվածությունից ելնելով, «Նյու» ՍՊԸ-ին վարձակալությամբ տրամադրել են 7.5 հա գյուղատնտեսական նշանակության հողատարածք, ապա այդ տարածքում առկա ապօրինի կառույցները համայնքի ղեկավարի որոշումներով օրինականցրել են ու առանց հողի նպատակային նշանակությունը փոխելու որպես արտադրական շինություններ օտարել «Նյու» ընկերությանը։ Իսկ 7.5 հա հողատարածքը, որպես արդյունաբերության, ընդերքօգտագործման և այլ արտադրական նշանակության տարածք, ճանաչվել է ընկերության սեփականություն՝ դրա մասին անհրաժեշտ տեղեկություններ չտրամադրելով ՀՀ ԿԱ անշարժ գույքի կադաստրի պետական կոմիտեին:
Տարածքին կից, շինություններով ծանրաբեռնված 0.8147 հա գյուղանտեսական նշանակության հողամասը, առանց նպատակային նշանակությունը փոխելու և ընկերության կողմից ապօրինի կառուցված շինությունների օրինականացման ընթացքում օրենքով սահմանված գումարները չվճարելով, դրանք օրինականացնելուն օժանդակելու նպատակով, ներկայացնելով որպես շինություններով չծանրաբեռնված հողամաս, ուղղակի վաճառքի միջոցով օտարել են ընկերությանը։
ՄԻՊ-ը հետևում է ԱԱԾ-ի մոտ կատարվրող իրադարձություններին. բերման է ենթարկվել 89 քաղաքացի
Այնուհետև, համայնքի ղեկավարի որոշմամբ՝ նշված հողի նպատակային նշանակությունը գյուղատնտեսական հողատեսքից փոխվել է արդյունաբերականի, որի արդյունքում համայնքի բյուջե չի մուտքագրվել 36.539.925 դրամ, իսկ 7.5 հա հողամասը, որպես գյուղական նշանակության հողատարածք ուղղակի վաճառքի միջոցով ընկերությանը չօտարելով, համայնքի բյուջե չի մուտքագրվել 2.925.000 դրամ։
Իսկ վաճառքը չձևակերպելու արդյունքում համայնքի բյուջե չի մուտքագրվել ևս 339.300.000 դրամ, ինչի հետևանքով էական վնաս է պատճառվել համայնքի և պետության օրինական շահերին, որն անզգուշությամբ առաջացրել է ծանր հետևանքներ:
Դեպքի առթիվ ՀՀ ազգային անվտանգության ծառայության քննչական դեպարտամենտում հարուցվել է քրեական գործ, նախաքննությունը շարունակվում է:
Հիշեցնենք՝ ՀՀ ԱԱԾ-ն վաղ առավոտից խուզարկություն է իրականացնում ԲՀԿ առաջնորդ, պատգամավոր Գագիկ Ծառուկյանի՝ Առինջում գտնվող առանձնատանը:
Ավելի ուշ պաշտոնական հայտարարությամբ հանդես եկած ՀՀ ազգային անվտանգության ծառայությունը նախ հայտարարելոց, որ քրեական գործ է հարուցվել «Օնիրա Քլաբ» ՍՊԸ-ին պատկանող Օնիրա Քլաբ» -ն ու «Շանգրի Լա» խաղատների գործունեության վերաբերյալ, որոնք ներկայացվել են որպես 61.146.139.340 մլրդ ՀՀ դրամի ներդրում և պետությանը պատճառել 29.750.000.000 ՀՀ դրամի վնաս, իսկ երկրորդ հայտարարությամբ ԱԱԾ-ն հայտնեց, որ մեկ այլ քրեական գործով բացահայտվել են նաև ԲՀԿ-ի՝ ընտրակաշառք բաժանելու հարյուրավոր դեպքեր, որում ներգրավված են եղել նաև ԲՀԿ ղեկավար անդամներ:
Ոստիկանությունը ԱԱԾ շենքի դիմացից բերման ենթարկեց Ծառուկյանի աջակիցներին
