ԵՐԵՎԱՆ, 12 հունիսի – Sputnik. Խառը մենամարտի ռուսաստանցի մարտիկ Արման Ծառուկյանը հերթական մենամարտը կանցկացնի Աբու Դաբիում «Մարտիկների կղզում» փրոմոուշենի մրցաշարի շրջանակում։ Տեղեկությունը հայտնում է Championat.com. կայքը։
Նրա մրցակիցը կլինի Բրազիլիայի ներկայացուցիչ Դավի Ռամոսը, մարտը կկայանա հուլիսի 18-ին։
ՄաքԳրեգորը մարտի մեկնարկից 40 վայրկյան անց նոկաուտի ենթարկեց հակառակորդին. տեսանյութ
Վերջին անգամ Արման Ծառուկյանը մենամարտել է 2019 հուլիսին կանադացի Օլիվյե Օբեն Մերսյեի հետ։ Հայկական ծագում ունեցող ռուսաստանցի մարզիկը հաղթել է մրցավարների միաձայն որոշմամբ։
Արման Ծառուկյանը ելույթ է ունենում UFC-ում թեթե քաշային կարգում։ Նա ընդհանուր առմամբ ունի 14 հաղթանակ ու մեկ պարտություն։
