ԵՐԵՎԱՆ, 12 հունիսի – Sputnik. ՀՀ առողջապահության նախարար Արսեն Թորոսյանն այսօր Ազգային ժողովում լրագրողների հետ ճեպազրույցում հայտնեց, որ վաղը հատուկ չվերթով Ֆրանսիայից Հայաստան կժամանեն 10 բժիշկ։
«Լիտվայի կառավարությունն է մեզ օգնելու պատրաստակամությունը հայտնել, եկող շաբաթ բժիշկներ կժամանեն Հայաստան։ Ինչպես նաև Ռուսաստանից 50 բժիշկ Հայաստան գալու ցանկություն են հայտնել, նրանք նույնպես կգան ու տեղում կաշխատեն մի քանի շաբաթ»,- ասաց Թորոսյանը։
Նախարարը հայտնեց նաև, որ առողջապահության համաշխարհային կազմակերպության եվրոպական գրասենյակի հետ բանակցությունների մեջ են` արտակարգ իրավիճակների համար ստեղծված թիմերի այցելության առնչությամբ։ Նման թիմերը հավանաբար կլինեն Լեհաստանից կամ Իսրայելից, որոնք հիմա տարբեր երկրներում օգնում են և մեծ փորձ ունեն։ Սակայն, ըստ Թորոսյանի, վերոհիշյալ թիմերի` Հայաստան ժամանելու որոշումը դեռ վերջնական չէ։
Հիշեցնենք` երեկ Վրաստանի վարչապետ Գեորգի Գախարիան հայտնել էր, որ Վրաստանը բժիշկների խումբ կգործուղի Հայաստան։ Գախարիայի խոսքով՝ Վրաստանը քննարկում է հարևան Հայաստանին օգնելու հարցը և համապատասխան առաջադրանքը տրվել է առողջապահության նախարարությանը:
Հայաստանում կորոնավիրուսով վարակվածների թիվը մեկ օրում ավելացել է 612–ով և դարձել 15 281
