ԵՐԵՎԱՆ, 12 հունիսի – Sputnik. Արցախի նորընտիր նախագահի պաշտոնամուտին նվիրված ընդունելությունը տեղի է ունեցել այդ պահին Արցախում գործող իրավակարգավորումների շրջանակներում: Այսօր ԱԺ-ի հատուկ նիստում ՀՀ վարչապետ Նիկոլ Փաշինյանն այսպես մեկնաբանեց աղմուկ հանած ընդունելության թեման:
«Եթե ընդունենք, որ ես այդ օրը վարակված եմ եղել` ինձանից ձախ եղել է ՀՀ ԱԺ նախագահը, աջ՝ վարչապետի աշխատակազմի ղեկավարը և ԱԽՔ-ը: 14 օր անցել է, և, փառք Աստծու, ո՛չ ԱԺ նախագահը, ո՛չ աշխատակազմի ղեկավարը չեն վարակվել»,- ասաց Փաշինյանը՝ հավելելով, որ գուցե լուսանկարներում դա չի նկատվում, բայց ներկաներն անհրաժեշտ զգուշավորություն պահպանել են:
Հիշեցնենք` մայիսի 21-ին Արայիկ Հարությունյանն Արցախի նախագահի պաշտոնը ստանձնեց Շուշիում տեղի ունեցած երդմնակալության պաշտոնական արարողության ժամանակ։
Երևանն ազդել է Արայիկ Հարությունյանի կադրային որոշումների վրա
Նույն օրը երեկոյան մամուլում լուսանկարներ հրապարկվեցին Արցախի նախագահի պաշտոնակալությանը հաջորդած բացօթյա ընդունելությունից, որոնք խիստ քննադատության առիթ դարձան Հայաստանից Արցախ մեկնած պաշտոնյաների՝ հակահամաճարակային անհրաժեշտ միջոցոցները չպահպանելու համար:
Հերոսների լուսանկարները` նախագահինի փոխարեն. Արայիկ Հարությունյանը որոշում է կայացրել
