ԵՐԵՎԱՆ, 11 հունիսի - Sputnik. ՀՀ ԿԲ նախագահ Արթուր Ջավադյանն այսօր կառավարության նիստին մասնակցում է վերջին անգամ: Այս մասին կառավարության նիստի մեկնարկին հիշեցրեց ՀՀ վարչապետ Նիկոլ Փաշինյանը՝ գործունեության համար շնորհակալություն հայտնելով պաշտոնից հեռացող Արթուր Ջավադյանին։
«Պարոն Ջավադյան, ուզում եմ շնորհակալություն հայտնել ձեզ ձեր գործունեության համար: Դրանք բավականին բուռն տարիներ են եղել, և այդ ընթացքում ՀՀ ԿԲ-ը իրեն դրսևորել է որպես գործունակ կառույց՝ ՀՀ ֆինանսական համակարգի և գների կայունությունը պահպանելու հարցում»,- ասաց Փաշինյանը:
Նա նաև նշեց, որ Ջավադյանը կշարունակի աշխատել հօգուտ ՀՀ-ի, բայց այդ մասին կհայտարարվի ավելի ուշ: Իսկ առայժմ վարչապետն առաջարկեց ԿԲ նախագահին իր պաշտոնից ճանապարհել ծափերով, ինչն էլ արեցին կառավարության անդամները:
Հիշեցնենք, որ ԿԲ ներկայիս նախագահ Արթուր Ջավադյանը պաշտոնավարում է 2008 թվականից։ Նա 2 անգամ ԱԺ-ի կողմից ընտրվել է այդ պաշտոնում։ Ջավադյանի պաշտոնավարման ժամկետը լրանում է հունիսին։
«Տարօրինակ տնտեսություն». ի՞նչն է մտահոգել Արթուր Ջավադյանին
