Մոսկվա-Երևան չարտերային թռիչք կլինի. դեսպանատունը հայտնել է տոմսի գինն ու այլ մանրամասներ

ԵՐԵՎԱՆ, 10 հունիսի - Sputnik. Հունիսի 12-ին Մոսկվայի «Դոմոդեդովո» օդանավակայանից նախատեսված Մոսկվա-Երևան չարտերային թռիչքը տեղի կունենա ժամը 18։00-ին։ Տեղեկությունը հայտնում է ՌԴ-ում ՀՀ դեսպանությունը։

«Հերթերից խուսափելու նպատակով` ցուցակագրված քաղաքացիները, որոնց հետ հաստատվել է հեռախոսակապ և որոնք վերհաստատել են մեկնելու իրենց պատրաստակամությունը, կարող են այս չվերթի տոմսերը ձեռք բերել «Դոմոդեդովո» օդանավակայանի N 94 տոմսարկղից հունիսի 11-ին (ժամը 10։00-21։00-ը) և հունիսի 12-ին (ժամը 10։00-14։00-ը)։ Ավիատոմսի արժեքը՝ 13 հազար ռուբլի»,–ասվում է դեսպանատան հաղորդագրության մեջ։

Հատուկ չվերթերով ՌԴ-ից Հայաստան վերադառնալ ցանկացողների թիվը գերազանցել է 16 հազարը

Դեսպանատունը հիշեցնում է, որ ուղեբեռը պետք է լինի առավելագույնը 23 կգ (մեկ կտոր), ձեռքի ուղեբեռը՝ 8 կգ (մեկ կտոր)։ Նշենք, որ մինչև երկու տարեկան երեխաների տոմսերն անվճար են (առանց ուղեբեռի)։

Հաշվառումը կմերնարկի հունիսի 12-ին` ժամը 15։00-ին։

Հիշեցնենք` հունիսի 6-8–ը Ռուսաստանի տարբեր քաղաքացներից դեպի Երևան իրականացվեց 5 հատուկ չվերթ։

Վերջին ամիսների ընթացքում Ռուսաստանի տարբեր քաղաքներից դեպի Հայաստան, այսպես կոչված, տարհանման հատուկ չվերթեր են իրականացվել, մասնավորապես՝ Մոսկվայից, Սանկտ Պետերբուրգից, Կրասնոդարից, Սոչիից, Վորոնեժից, Դոնի Ռոստովից։ Պարետի նոր որոշմամբ՝ Հայաստան վերադարձող քաղաքացիներն այլևս չեն մեկուսացվի հյուրանոցներում. նրանց ինքնամեկուսացման պահանջ է ներկայացվում։