ԵՐԵՎԱՆ, 9 հունիսի – Sputnik. Շվեդ դիետոլոգ Մարիա Սիտելը ցրել է հացի մասին ամենատարածված միֆերը։ Տեղեկությունը հաղորդում է Expressen պարբերականը։
Սև հացն ավելի՞ օգտակար է
Հարցը գույնը չէ։ Շվեդ գիտնականները սա անվիճելի են համարում։ Հացը կարող է սև լինել նրա մեջ օշարակ ավելացնելու պատճառով, ընդ որում, օշարակն օգտակար հավելումներ անվանել չի կարելի։ Կարևորը, որը որոշում է հացի օգտակար լինելը, նրանում ամբողջական հացահատիկի քանակն է։
Հացը` ավելորդ քաշի պատճա՞ռ
Մարմնի քաշի ավելցուկի վրա ոչ այնքան ազդում է այն, թե ինչ և ինչ քանակությամբ եք ուտում, որքան այն, թե ինչպես եք ծախսում ստացած էներգիան։ Ավելին, հացը կարող է օգտակար դիետայի մաս կազմել. ամբողջական հացահատիկից ստացված հացը նախաճաշին կամ ճաշին օգտագործելը նպաստում է երկար ժամանակ քաղց չզգալուն, ինչն ազատում է ընթացքում լրացուցիչ ինչ–որ բան ծամելուց։
Գիրանալու վտանգ չկա. ռուսական հացագործարանում սկսել են լավաշ թխել
Հացը փորի փքվածության զգացողությո՞ւն է առաջացնում
Գիտնականներն այս պնդման հետ համամիտ չեն։ Նրանք պնդում են, որ փորի փքվածության զգացողությունն առաջանում է սթրեսից, նստակյաց կյանքից, օրգանիզմում հեղուկի պակասից, որոշակի սննդային բաղադրիչների նկատմամբ մարսողական համակարգի խնդիրներից։
Հացը վատ ածխաջրե՞ր է պարունակում
Շատերն աշխատում են սննդի մեջ խուսափել ածխաջրերի օգտագործումից, միևնույն ժամանակ դրանք անհրաժեշտ են արյան կարմիր բջիջներ արտադրելու և ուղեղի արդյունավետ աշխատանքի համար։ Գիտնականներն ամբողջական հացահատիկն ածխաջրերի լավագույն աղբյուրներից մեկն են անվանում։
Բուտերբրոդը սնունդ չէ՞
Հակառակը` այն կարող է դառնալ սննդի լիարժեք ընդունում, եթե դուք ընտրեք որակյալ ամբողջական հացահատիկից պատրաստված հաց և դրան ավելացնեք, օրինակ, ավոկադո, հնդկահավ, խաշած ձու և սպանախ։ Այսպիսի բուտերբրոդ ուտելուց հետո հագեցածության զգացողությունը երկար ժամանակ չի լքի ձեզ և լիովին կարող է փոխարինել լիարժեք նախաճաշին։
Հացի իրական գինը, կամ ինչպես էին հայերը շփվում գերի ընկած գերմանացիների հետ
