ԵՐԵՎԱՆ, 8 հունիսի – Sputnik. «Յուքոմ» ընկերության նախկին մենեջերներ Հայկ և Ալեքսանդր Եսայան եղբայրները բանակցություններ են վարում «Վեոն Արմենիա» («Բիլայն» ապրանքանիշ) ընկերությունը գնելու համար։ Տեղեկատվությունը տարածել է Veon ընկերության կենտրոնակայանը։ Ընկերության մամուլի ծառայությունը չի պատասխանել մի քանի օր առաջ Sputnik Արմենիայի ուղարկած հարցմանն այս թեմայի շուջ։
Մի քանի ամիս առաջ Եսայան եղբայրները լքեցին «Յուքոմը» և հիմնադրեցին Team ընկերությունը։ Sputnik Արմենիայի հետ զրույցում ընկերության հաղորդակցության բաժնի ղեկավար Աշոտ Բարսեղյանը նշեց, որ ըներությունն արդեն հայտ է ներկայացրել Տնտեսական մրցակցության պաշտպանության պետական հանձնաժողով։ Հանձնաժողովը պետք է եզրակացնի՝ արդյո՞ք այդ գործարքը և նոր օպերատորի ի հայտ գալը չեն խախտի շուկայական մրցակցությունը։
Sputnik Արմենիայի հետ զրույցում Տնտեսական մրցակցության պաշտպանության պետական հանձնաժողովի մամուլի քարտուղար Անի Սմբատյանը հաստատեց, որ թե՛ Veon Armenia-ի, թե՛ Team-ի հայտերը ստացել են այսօր։ Նմանատիպ հայտերի դիտարկման ժամկետը 90 օր է։
Ucom-ը չի գնի Beeline–ը. քննարկումները դադարեցվել են
Հիշեցնենք,որ արդեն մի քանի ամիս է, ինչ Veon-ը բանակցություններ է վարում իր հայաստանյան ընկերության վաճառքի վերաբերյալ։ Ավելի վաղ նրանց հետ բանակցությունների մեջ էր Ucom-ը (որն այն ժամանակ Եսայաններն էին ղեկավարում)։ Բայց այնուհետև լուրեր տարածվեցին, որ «Յուքոմի» մենեջեր են նշանակում Veon Armenia-ի գլխավոր տնօրեն Անդրեյ Պյատախինին։ Իբրև բողոքի նշան՝ ըներությունից դուրս եկան Հայկ և Ալեքսանդր Եսայան եղբայրները, նրանց հետևեցին ընկերության մի քանի հարյուր աշխատակիցներ։
