ԵՐԵՎԱՆ, 5 հունիսի – Sputnik. Ամերիկացի Դենիել Շեդը ավիավթարից րոպեներ առաջ մորն ընկերների հետ արված խմբակային սելֆի է ուղարկել ամերիկյան Սդեյթ Լուիս քաղաքի մոտակայքում գտնվող օդանավակայանից։ Տեղեկությունը հայտնում է Daily Star պարբերականը։
Phi Gamma Delta extends its deepest sympathies to the families & friends of Kettering Brothers Joshua Sweers (2007), Daniel Shedd (2006), Daniel Schlosser (2004) & John Camilleri (2004) who were tragically killed in a small plane crash this past weekend.https://t.co/Qo4aRR80SO
— Phi Gamma Delta HQ (@PhiGamHQ) June 1, 2020
Անցած կիրակի 39-ամյա Շեդն ընկերների հետ պատրաստվում էին թռչել չորս տեղանի մեկ շարժիչային ինքնաթիռով։ Թռիչքից առաջ նա մորը լուսանկար է ուղարկել, իսկ դրանից հինգ րոպե հետո ինքնաթիռը կործանվել է Իլինոյս նահանգի Քարլինվիլ քաղաքի մոտակայքում։
Ավելի վաղ New York Post-ը հայտնել էր, որ կատարված հարցումը ցույց է տվել, որ մասնակիցների ավելի քան 40 տոկոսը վտանգում է կյանքը հաջող կադրերի համար։
Պարզվել է, որ հարցման մասնակիցների կեսից ավելին պատրաստ են կատարյալ կադրի համար ժայռի ծայրին կանգնել, իսկ 41 տոկոսն արդեն ռիսկի են դիմել սելֆիի ժամանակ։ Չորս տոկոսը խոստովանել է, որ ուրիշներին է վտանգի ենթարկել նկարվելու համար։
Ընդ որում՝ մասնակիցների 11 տոկոսը լավ կադր անելուց վնասվածք են ստացել` ընկել են բլուրներից, հեծանիվներից, ալիքի տակ են մնացել։
