ԵՐԵՎԱՆ, 5 մայիսի - Sputnik. Ընթացիկ տարվա մինչ այս պահն արձանագրվել է սպանության 24 դեպք, և այս պահին սպանության չբացահայտված դեպք չկա` բոլոր 24-ի դեպքում էլ կատարողները բացահայտվել են։ Ազգային ժողովի Պաշտպանության և անվտանգության հարցերի մշտական հանձնաժողովի նիստի ժամանակ այս տվյալը հայտնեց ՀՀ ոստիկանապետ Արման Սարգսյանը։
«Նախորդ տարի նույն ժամանակաշրջանում սպանության 24 դեպք ենք ունեցել։ Ունեցել ենք նաև 14 ինքնասպանության փորձ, որոնցից բացահայտվել են 12-ը։ Իսկ ավազակության դեպքերը նախորդ տարվա համեմատ նվազել են 2.6 անգամ` այս տարի 17 նման դեպք ենք ունեցել»,–ասաց ոստիկանապետը։
Սարգսյանը հայտնեց նաև, որ այս տարվա 5 ամիսների ընթացքում, նախորդ տարվա նույն ժամանահատվածի համեմատ, հանցագործության դեպքերի 3.4 տոկոսով նվազում կա։
Ավելին` 3 տոկոսով կամ 54 դեպքով աճել է հանցագործությունների բացահայտման ցուցանիշը։
Նրա խոսքով` այսօր թվային ցուցանիշների «նկարչություն» գոյություն չունի։
Ինչու են բերման ենթարկել «օրենքով գող» Արսեն Երևանսկուն
Հիշեցնենք, որ հունիսի 3-ին ՀՀ ԱԺ–ն երկրորդ և վերջնական ընթերցմամբ ընդունեց «Ոստիկանության մասին» և «Ոստիկանությունում ծառայության մասին» օրենքներում փոփոխություններ կատարելու նախագիծը։
Նախատեսվում է ամբողջ հանրապետությունում 2021-2022 թթ․ ընթացքում անցում կատարել պարեկային ծառայության։
Ոստիկանները «ասֆալտին են փռել» «դիմակային ռեժիմը» խախտողին․ Փաշինյանն արձագանքել է
