ԵՐԵՎԱՆ, 5 հունիսի – Sputnik. Հունիսի 5-ին կազմակերպվեց «SCAT» ավիաընկերության Նուր-Սուլթան-Երևան DV 5048 չարտերային չվերթը: Տեղեկությունը հայտնում է ՀՀ արտգործնախարարությունը։
«Ղազախստանում ՀՀ դեսպանության ջանքերով և Ղազախստանի Հանրապետության իշխանությունների, հայկական համայնքային կառույցների աջակցությամբ ՀՀ ևս 36 քաղաքացի, ինչպես նաև ՂՀ 10 քաղաքացի մեկնեցին ՀՀ»,– նշված է հաղորդագրության մեջ:
Հիշեցնենք` Հայաստան վերադարձող քաղաքացիները «Զվարթնոց» օդանավակայանից անմիջապես տեղափոխվում են ինքնամեկուսացման վայրեր:
Ղազախստանում ՀՀ դեսպանությունը շարունակական ջանքեր է գործադրում՝ հայրենիք վերադառնալու ցանկություն հայտնած ՀՀ քաղաքացիներին աջակցելու ուղղությամբ:
