ԵՐԵՎԱՆ, 4 հունիսի – Sputnik․ Մոսկվայում կայանալիք Հաղթանակի շքերթի հրավերների հարցում շեշտը նախկինի պես դրվում է ԱՊՀ ղեկավարների վրա։ ՌԻԱ Նովոստիի փոխանցմամբ՝ լրագրողներին ասել է ՌԴ նախագահի մամուլի քարտուղար Դմիտրի Պեսկովը։
«Հիշեցնում եմ՝ այժմ շեշտը դրվում է ԱՊՀ երկրների ղեկավարներին հրավիրելու վրա»,- ասել է Պեսկովը, պատասխանելով հարցին՝ արդյո՞ք Հաղթանակի շքերթի հրավեր է ուղարկվել ՄԱԿ-ի Անվտանգության խորհրդի «հնգյակի» ՌԴ նախագահի գործընկերներին։
Ավելի վաղ Ռուսաստանի նախագահ Վլադիմիր Պուտինը հայտարարել էր, որ Հաղթանակի շքերթը կկայանա հունիսի 24-ին։
