ԵՐԵՎԱՆ, 1 հունիսի – Sputnik. Գյումրիում մի խումբ թափառող շների կողմից տան բակում հարձակման ենթարկված 2.5 տարեկան երեխայի առողջության մեջ դրական դինամիկա կա: Տեղեկությունը Facebook-ի իր էջում գրել է «Սուրբ Աստվածամայր» ԲԿ–ի մամուլի քարտուղար Գևորգ Դերձյանը։
«Երեխան գիտակցության է եկել, սկսել է շնչել ինքնուրույն»,–գրել է նա:
Ինչպես արդեն տեղեկացրել էինք, երեկ` մայիսի 31–ին, Գյումրիում մի խումբ թափառող շներ հարձակվել են 2.5 տարեկան երեխայի վրա և բազմաթիվ վնասվածքներ պատճառել նրան։
Երեխան կծած վերքերով տեղափոխել էր «Գյումրու Մոր ու մանկան ավստրիական հիվանդանոց», որտեղ վիրահատվել էր, այնուհետև շտապ տեղափոխվել Երևան՝ «Սուրբ Աստվածամայր» ԲԿ։
Ավելի ուշ Գևորգ Դերձյանը տեղեկացրել էր, որ իրենց մոտ երեխան երկրորդ անգամ վիրահատվել է, կատարվել է դիմածնոտային վիրաբուժական միջամտություն, ունի բազմաթիվ վնասվածքներ՝ դեմքի, վերջույթների և մարմնի այլ հատվածներում: Շատ լուրջ վնասված էր եղել երեխայի պարանոցը:
Բժիշկները վիճակը գնահատում են ծանր, բայց կայուն:
