Համշենից տարբեր ժամանակներում մեծ արտագաղթ է եղել դեպի հարևան երկրներ՝ Ռուսաստան, Վրաստան, սակայն արմատը շարունակել է մնալ մայր հայրենիքում։ Այսօր Համշենի տարածաշրջանում ապրող հայերի թիվը, ըստ տարբեր հաշվարկների, գերազանցում է 700 հազարը։
«Ես չմոռցերիմ հայերեն, կխոսամ». Սասունի հայերն ու նրանց ամուսնության չգրված օրենքները
Հոպա քաղաքում, որը պատմական հայկական Խոպա բնակավայրն է, փորձում ենք գտնել հարմար հյուրանոց գիշերակացի համար։ Տեղացի թուրքերն իմանալով, որ հայ ենք, մատնացույց են անում քաղաքում հայտնի Ուստաբաշների հյուրանոցային ցանցը։
«Ձերոնք են»,- ասում են թուրքերը։
Ուստաբաշների ընտանիքը գործարար համբավ ունի ոչ միայն Հոպայում։ Նրանց հյուրանոցները, խանութներն ու թեյի արտադրամասերը տարածված են նաև Տրապիզոնում, Ռիզեում և Սև ծովի ափամերձ այլ խոշոր բնակավայրերում։
![700,000 համշենահայերը․ ինչո՞ւ են Հոպայի թեյը հայկական համարում 700,000 համշենահայերը․ ինչո՞ւ են Հոպայի թեյը հայկական համարում - Sputnik Արմենիա](https://cdn.am.sputniknews.ru/img/2318/22/23182287_0:0:1600:900_600x0_80_0_0_dd31e7a0374f89f882492d45030ae55e.jpg)
Ուստաբաշների հյուրանոցում, որտեղ սենյակ ենք վարձում, մեծ մասամբ աշխատում են համշենահայեր։ Առաջին ծանոթությունը փոքր-ինչ լարված մթնոլորտում է լինում։ Ռեստորանի 39-ամյա խոհարարը` կապուտաչյա, շիկահեր մի տղամարդ, բավական ագրեսիվ տոնով արգելում է իրեն հայ կոչել, թեև գործընկերները մեզ հուշել են, որ զտարյուն հայերից մեկն է։
Ապագան հայերի համար հետաքրքիր ժամանակներ է խոստանում, կամ Դիրաբեքիրի ծպտյալների կյանքը
«Ես հայ չիմ։ Շատ ավալու (վաղուց) էկած ինք օրթա Ասիա։ Երեսս ճերմակ ա, խատուլիկ աչվերներս, ես թուխ չիմ, Հայաստան թուխ ա, ես հայ չիմ»,-իր հայ լինելու՝ իմ հարցին արձագանքում է Այգութ Սոլունը։
![700,000 համշենահայերը․ ինչո՞ւ են Հոպայի թեյը հայկական համարում 700,000 համշենահայերը․ ինչո՞ւ են Հոպայի թեյը հայկական համարում - Sputnik Արմենիա](https://cdn.am.sputniknews.ru/img/2318/22/23182256_0:0:1600:900_600x0_80_0_0_b0f97dedb6c3989e580f88d9e8b8bcad.jpg)
Նա այն աստիճան է դարձել թուրքական քարոզչության զոհ, որ հասկանալով հանդերձ՝ երկուսս էլ խոսում ենք նույն լեզվով, չի ընդունում, որ իր լեզուն հայերենն է: Այգութի նման հայեր էլ կան, ցավոք: Թուրքական կեղծ պատմագրությունը կարողացել է իր սև հետքը թողնել նաև այստեղ՝ հայտարարելով, որ համշենցիների լեզուն հին Օղուզի կամ Սաքա ցեղի բարբառն է, իսկ համշենահայ էթնոսը ոչ թե հայերի սերունդ է, այլ օղուզական, բալքարական կամ աքադական ցեղերի հետնորդ:
![700,000 համշենահայերը․ ինչո՞ւ են Հոպայի թեյը հայկական համարում 700,000 համշենահայերը․ ինչո՞ւ են Հոպայի թեյը հայկական համարում - Sputnik Արմենիա](https://cdn.am.sputniknews.ru/img/2318/22/23182266_0:0:1600:900_600x0_80_0_0_45405e27adf5d93d6630592d8dea04d1.jpg)
Բարեբախտաբար, այդ քարոզչությունից մոլորյալ հայերի թիվն օրեցօր պակասում է Արևմտյան Հայաստանում՝ փոխարենը ավելացնելով ազգային արմատներին մոտեցողներին:
Խոսում են թուրքերեն, բայց մտածում ու զգում են հայերեն. ադիյամանցի հայ երգչի «ոդիսականը»
Հյուրանոցի աշխատողների հետ զրույցում պարզեցի, որ նրանք ոչ միայն ընդունում են իրենց հայկական ինքնությունը, այլև հպարտանում են դրանով։
![700,000 համշենահայերը․ ինչո՞ւ են Հոպայի թեյը հայկական համարում 700,000 համշենահայերը․ ինչո՞ւ են Հոպայի թեյը հայկական համարում - Sputnik Արմենիա](https://cdn.am.sputniknews.ru/img/2318/22/23182261_0:0:1600:900_600x0_80_0_0_d392295cc9f2cef5a8cbfa19d84adc50.jpg)
«Էստեղ համշենցիներ շատ կան։ Հոպային կեսեն շատը համշենցի է։ Մուսուլման հայեր շատ կա էստեղ, բայց դա ի՞նչ կապ ունի։ Ես հայ իմ, մուսուլման իմ, էրմենի իմ, սորուն (հարց) ի՞նչ կա։ Ի՞նչ կուզեք ինձմե, հայ իմ»,-վրդովված ասում է համշենցի հայ Սոյլունը՝ նշելով, որ հաճախ են մարդիկ զարմանքով բացահայտում, որ համշենցիները կարող են հայկական արմատներ ունենալ։
![700,000 համշենահայերը․ ինչո՞ւ են Հոպայի թեյը հայկական համարում 700,000 համշենահայերը․ ինչո՞ւ են Հոպայի թեյը հայկական համարում - Sputnik Արմենիա](https://cdn.am.sputniknews.ru/img/2318/22/23182272_0:0:1600:900_600x0_80_0_0_c46d8cc8711bcf79f92e2a2a70ee692e.jpg)
Ավելի ուշ Սոյլունը մեզ ուղեկցում է հուշանվերների խանութներ, շուկա, նվիրում Համշենի թեյ՝ շեշտելով, որ այն կարելի է անվանել նաև հայկական թեյ, քանի որ աճեցրել են, հավաքել ու մշակել բացառապես հայերը։
![700,000 համշենահայերը․ ինչո՞ւ են Հոպայի թեյը հայկական համարում 700,000 համշենահայերը․ ինչո՞ւ են Հոպայի թեյը հայկական համարում - Sputnik Արմենիա](https://cdn.am.sputniknews.ru/img/2318/22/23182250_0:0:1600:900_600x0_80_0_0_cdd34a0c2bc8ccaae23b4fd450edc6f7.jpg)
Հայերեն խոսող և իրենց հայ լինելն ընդունող մեր հայրենակիցները թուրքերի, քրդերի կամ լազերի հետ գոյակցելու խնդիր չունեն։ Նրանք չեն ձևավորվել ցեղասպանությունից հետո։ Համշենահայերին կամ համշենցիներին շատ պատմաբաններ համարում են յուրահատուկ հայկական էթնիկ խումբ, քանի որ նրանց մի մասը քրիստոնյա է, իսկ մյուս մասը` մահմեդական: Հետաքրքիր է, որ շատ մահմեդական համշենցիներ պահպանել են մայրենի լեզուն` համշենահայերենը, իսկ որոշ քրիստոնյա համշենցիներ էլ չգիտեն հայերեն:
![700,000 համշենահայերը․ ինչո՞ւ են Հոպայի թեյը հայկական համարում 700,000 համշենահայերը․ ինչո՞ւ են Հոպայի թեյը հայկական համարում - Sputnik Արմենիա](https://cdn.am.sputniknews.ru/img/2318/22/23182277_0:0:1600:901_600x0_80_0_0_2c02ddb9a898ffdc30d6ce29cbf2e849.jpg)
Բոլոր ժամանակներում համշենահայերը զբաղեցրել են Հոփայի շրջանի բնակչության առնվազն 30%-ը։ Եթե հավատալու լինենք համշենահայ Ուստաբաշների տվյալներին, ապա միայն Հոփա քաղաքում այսօր 5000 հայ կա, այդքան էլ՝ հարակից գյուղերում։
![700,000 համշենահայերը․ ինչո՞ւ են Հոպայի թեյը հայկական համարում 700,000 համշենահայերը․ ինչո՞ւ են Հոպայի թեյը հայկական համարում - Sputnik Արմենիա](https://cdn.am.sputniknews.ru/img/2318/28/23182898_0:0:1920:1080_600x0_80_0_0_97f7fcb7e16d77624f4788dedcc24420.jpg)