Արմենուհի Մխոյան, Sputnik Արմենիա
Գյումրիում ապրող Մկրտչյանների ընտանիքը կերակրողն արհեստն է։ Սկզբում երկաթյա լուսամփոփներ, կանթեղներ ու վառարաններ էին պատրաստում, հետո խոհանոցային գործիքներ, սեղանի ձևավորման պարագաներ,Գյումրու խորհրդանիշ մուշուրբան, իսկ գրեթե 3 տարի առաջ սկսեցին տարբեր տեսակի երկաթյա վառարանների փոքր նմուշներ պատրաստել նախ իրենց, հետո նաև նվիրելու համար։ Կարճ ժամանակ անց արդեն, դրանց հանդեպ հետաքրքրությունն ու պահանջարկն այնքան մեծացավ, որ հայր և որդի արհեստավորները սկսեցին փայտի ու քարածխի վառարան-հուշանվերներ պատրաստել վաճառքի համար:
![Վարչապետի` Իջևանի տան «փեջից» են սարքում. Մկրտչյաններին կերակրող արհեստի գաղտնիքը Վարչապետի` Իջևանի տան «փեջից» են սարքում. Մկրտչյաններին կերակրող արհեստի գաղտնիքը - Sputnik Արմենիա](https://cdn.am.sputniknews.ru/img/2314/46/23144656_0:0:1200:1600_600x0_80_0_0_4ab924a2e872a9f69358a3cab90ede84.jpg)
Իրենց պատրաստած վառարաններից մեկն Արմեն Մկրտչյանը Քաղաքացու օրվա տոնակատարության ժամանակ ՀՀ վարչապետ Նիկոլ Փաշինյանին է նվիրել:
«Ասաց՝ Իջևանի մեր տան փեջից է»,-հպարտությամբ պատմում է Արմենը:
Մարդու ափի մեջ տեղավորվող վառարաններն իրականի կրկնօրինակներն են: Փայտե տաշեղներ կամ խունկ վառելու դեպքում ծխնելույզից ծուխ է բարձրանում: Վառարանին հին տեսք տալու համար արհեստավորները դրանք հատուկ մշակման են ենթարկում, ինչն ավելի է գրավում զբոսաշրջիկներին:
![Վարչապետի` Իջևանի տան «փեջից» են սարքում. Մկրտչյաններին կերակրող արհեստի գաղտնիքը Վարչապետի` Իջևանի տան «փեջից» են սարքում. Մկրտչյաններին կերակրող արհեստի գաղտնիքը - Sputnik Արմենիա](https://cdn.am.sputniknews.ru/img/2314/46/23144606_0:0:1600:1200_600x0_80_0_0_a90b30efcacd4611dff2c105db7b2611.jpg)
«Տուրիստները մոտենում, նայում, հարցնում են, բայց շատերը գիտեն` ինչ է: Հիմնական գնորդները նրանք են, բայց դե գյումրեցիներն էլ են նվերի համար պատվիրում: Երևան մեծ քանակով՝ 10-20 հատով են տանում, վաճառում, Գյումրիում` ավելի քիչ: Ցավոք, հիմա տուրիստների հոսք չկա, առևտուր` նույնպես»,-պատմեց Արմենը։
![Վարչապետի` Իջևանի տան «փեջից» են սարքում. Մկրտչյաններին կերակրող արհեստի գաղտնիքը Վարչապետի` Իջևանի տան «փեջից» են սարքում. Մկրտչյաններին կերակրող արհեստի գաղտնիքը - Sputnik Արմենիա](https://cdn.am.sputniknews.ru/img/2314/46/23144621_0:0:1600:1200_600x0_80_0_0_2f023338866d3073b536f34f69e0901e.jpg)
Իսկ մինչև համավարակն ու զբոսաշրջիկների հոսքը դադարելը վառարաններից բացի սկսել էին նաև խորովածի փոքրիկ մանղալներ ու եկեղեցու մոմակալներ պատրաստել:
![Վարչապետի` Իջևանի տան «փեջից» են սարքում. Մկրտչյաններին կերակրող արհեստի գաղտնիքը Վարչապետի` Իջևանի տան «փեջից» են սարքում. Մկրտչյաններին կերակրող արհեստի գաղտնիքը - Sputnik Արմենիա](https://cdn.am.sputniknews.ru/img/2314/46/23144626_0:0:1600:1200_600x0_80_0_0_758561c1bc92d8e8f852b39f3bf122c2.jpg)
Արմենը մասնագիտությամբ տեխնոլոգ է, բայց իրեն գտել է այս արհեստի մեջ:
«Հայրս ինքնուս արհեստավոր-նորարար է: Մինչև երկրաշարժը երկար տարիներ աշխատել է Լենինականի «Միկրոշարժիչ» գործարանումՙ որպես խառատ, ես 15 տարեկանից իրեն նայելով եմ սովորել: Որդուս՝ Յուրայի մեջ, այդ սերը չկա։ Նա որոշել է ընդունվել Խանփերյանցի անվան ռազմական ավիացիոն համալսարան»,-պատմում է Արմենը:
![Վարչապետի` Իջևանի տան «փեջից» են սարքում. Մկրտչյաններին կերակրող արհեստի գաղտնիքը Վարչապետի` Իջևանի տան «փեջից» են սարքում. Մկրտչյաններին կերակրող արհեստի գաղտնիքը - Sputnik Արմենիա](https://cdn.am.sputniknews.ru/img/2314/46/23144651_0:0:1200:1600_600x0_80_0_0_b1e1f648bacbe12e50d243bb87ed98b9.jpg)
Արմենի նպատակը նոր արհեստանոց ունենալն է։ Հինը տան տանիքի տակ է, հայրիկն արդեն մեծ է՝ 75 տարեկան, դժվարանում է ամեն օր բարձրանալ արհեստանոց:
Միակ բանը, որ խնդրում է Աստծուց, առողջությունն է։ Ասում է` մնացածը ձեռքի գործ է։
![Յուրա և Արմեն Մկրտչյանների աշխատանքներից Յուրա և Արմեն Մկրտչյանների աշխատանքներից - Sputnik Արմենիա](https://cdn.am.sputniknews.ru/img/2314/46/23144646_0:117:1600:1123_600x0_80_0_0_0752836d66845936aaf3d2d3fad5d753.jpg)
![Արմեն Մկրտչյան Արմեն Մկրտչյան - Sputnik Արմենիա](https://cdn.am.sputniknews.ru/img/2314/46/23144641_0:0:1600:1006_600x0_80_0_0_7e70732add8e343f56142c111b8456f8.jpg)
![Յուրա և Արմեն Մկրտչյանների աշխատանքներից Յուրա և Արմեն Մկրտչյանների աշխատանքներից - Sputnik Արմենիա](https://cdn.am.sputniknews.ru/img/2314/46/23144636_0:0:1600:1006_600x0_80_0_0_b3e03c74fd162d9d0cb909a4c1b2cb59.jpg)
![Յուրա և Արմեն Մկրտչյանների աշխատանքներից Յուրա և Արմեն Մկրտչյանների աշխատանքներից - Sputnik Արմենիա](https://cdn.am.sputniknews.ru/img/2314/46/23144631_0:194:1600:1200_600x0_80_0_0_2c9b23112d71d6e1322d06bf2afe1c79.jpg)
![Յուրա և Արմեն Մկրտչյանների պատրաստած վառարանները Յուրա և Արմեն Մկրտչյանների պատրաստած վառարանները - Sputnik Արմենիա](https://cdn.am.sputniknews.ru/img/2314/46/23144616_0:140:1601:1146_600x0_80_0_0_3a2b7901ae17be204089291bf0652ee2.jpg)