ԵՐԵՎԱՆ, 31 մայիսի - Sputnik. Հոգեկան առողջության պահպանման ազգային կենտրոնում արձանագրվել է կորոնովիրուսային հիվանդության 8 դեպք: Ինչպես հայտնում է ՀՀ առողջապահության նախարարի մամուլի խոսնակ Ալինա Նիկողոսյանը, վարակվածներից 1-ը պացենտ է, 7-ը՝ անձնակազմի անդամներ։
«Այս պահին հակահամաճարակաբանական գործողություններ են ընթանում և պացիենտի բաժանմունքում գտնվող 54 հոգի ևս թեստավորվել են։ Թեստավորվել է նաև ողջ անձնակազմը. պատասխանները կլինեն առաջիկայում»,- նշել է Նիկողոսյանը:
Հայաստանում կորոնավիրուսով վարակվածների թիվը մեկ օրում ավելացել է 355-ով և հասել 9282–ի
Հիշեցնենք, օրեր առաջ կորոնավիրուսով վարակի դեպք էր գրանցվել նաև «Ձորակ» հոգեկան առողջության կենտրոնում:
