ԵՐԵՎԱՆ, 31 մայիսի - Sputnik. Արցախում հայտնաբերվել է կորոնավիրուսի երկու նոր դեպք: Այս մասին հայտնում են ԱՀ տեղեկատվական շտաբից: Նշվում է, որ վերջին մեկ օրվա ընթացքում կատարված 39 թեստերից երկուսը դրական արդյունք են ունեցել:
Նոր վարակակիրները Շաումյանի շրջանի բնակիչներ են՝ նախկինում բռնկված օջախի շփման շրջանակից:
Այսպիսով, Արցախում կորոնավիրուսի գրանցված դեպքերի ընդհանուր թիվը հասել է 40-ի: Նրանցից 26-ն արդեն բուժվել են, 14-ի առողջական վիճակը գնահատվում է բավարար: Մեկուսացված է 81 քաղաքացի, ընդհանուր առմամբ իրականացվել է 863 թեստավորում:
