ԵՐԵՎԱՆ, 30 մայիսի – Sputnik, Ալեքսանդր Խրոլենկո․ Հրետանին պատերազմի աստվածն է․ ահա թե ինչու են Ռուսաստանում ոչ միայն վանքեր կառուցում, այլև աշխարհի լավագույն հաուբիցները ստեղծում։ Նիժնի Նովգորոդի մարզի զորավարժարանում սկսվել են 152 մմ տրամաչափի «Կոալիցիա-ՍՎ» հրետանային ինքնագնաց կայանքի (ՀԻԿ)՝ ԿամԱԶ-6550 ավտոմեքենայի հիմքի վրա կառուցված անիվային մոդիֆիկացիայի փորձարկումները:
Ռուսական զորքը նորագույն «Կոալիցիա-ՍՎ» հաուբիցների փորձնական խմբաքանակը ստացել է մայիսի վերջին։ Հրանոթը հիմնված է T-90 տանկի պլատֆորմի վրա և կարող է խոցել մինչև 70 կմ հեռավորության վրա գտնվող ցամաքային թիրախներ՝ հրամանատարական կետեր, կապի հանգույցներ, հրետանային և ականանետային մարտկոցներ, զրահապատ տեխնիկա, հակաօդային և հակահրթիռային պաշտպանության միջոցներ, հակառակորդի կենդանի ուժեր։
Ինչպես խորտակվեց ու գտնվեց «Արմենիա» ջերմանավը․ ծովում տեղի ունեցած ողբերգություն
Այսօր այդ հաուբիցը նմանը չունի աշխարհում։ Գրեթե միաժամանակ «Ուրալվագոնզավոդը» սկսել է ՀԻԿ-ի՝ ԿամԱԶ-6550 մեքենայի հիմքով կառուցված տարբերակի ընթացքային և հրաձգային փորձարկումները։ Նախատեսվում է փորձարկումներն ավարտել ընթացիկ տարում, այնուհետև կսկսեն հաուբիցի անվավոր մոդիֆիկացիայի սերիական արտադրությունը։
Զինված ուժերում «Կոալիցիա-ՍՎ» անվավոր ՀԻԿ-երի հայտնվելը նախադեպային իրադարձություն կդառնա (այսօր Ռուսաստանում նման հաուբիցներ չկան), և հրետանավորներին թույլ կտա մարտական առաջադրանքների կատարման համար ընտրություն կատարել «Կոալիցիայի» անվավոր կամ թրթուրավոր տարբերակների միջև՝ կախված կոնկրետ իրադրությունից։
«Կամազի» քառառանցք շասսիի վրա հավաքված համակարգերը առավելություն ունեն թրթուրավոր տարբերակների նկատմամբ՝ շարժունակություն, ընդհանուր նշանակության ավտոտրանսպորտային մայրուղիներում դրանք օգտագործելու հնարավորություն՝ առանց ճանապարհային ծածկույթը վնասելու, ընթացքային պաշարի ավելի մեծ ռեսուրս (թրթուրավոր տարբերակի 5000 կմ-ի ռեսուրսը անվավոր տեխնիկայի համար սովորական փորձավազք է)։
Մոդելը կառուցող արտադրության գլխավոր տնօրեն Դմիտրի Սեմիզորովն ավելի վաղ նշել էր․ ««Կոալիցիան» ապագայի մեքենան է։ Այսօր այն առաջ է անցնում ժամանակից»։ Հնարավոր է, որ անիվների վրա նոր ՀԻԿ-ը է՛լ ավելի արագ առաջ ընթանա։ Եվ հավանաբար կհետաքրքրի արտասահմանյան գնորդներին։
Սևմաշը պատրաստվում է հանձնել ատոմային սուզանավերը.ինչպես կփոխվի ՌԴ ռազմածովային նավատորմը
Օրինակ` նախորդ սերնդի 15-րդ տրամաչափի «Мста-С» ինքնագնաց հաուբիցը, որն ի վիճակի է կրակահերթ վարել «Կրասնոպոլ-Մ» արկերով և նույն տրամաչափի արևմտյան զինամթերքով, գնահատվում է 1,6 միլիոն դոլար։
«Мста-С»-ն իր առավելություն ցուցադրեց Աբու Դաբիում կայացած IDEX-93 ցուցահանդեսում և «Կրասնոպոլ» արկերով 15 կմ հեռավորության վրա 38 թիրախ խոցեց։ Քանի որ «Կոալիցիա-ՍՎ»-ն ավելի կատարյալ է, նրան մեծ ապագա է երաշխավորված ռուսական զորքերում և սպառազինությունների միջազգային շուկայում։
Կրակային բնութագրով «Կոալիցիա-ՍՎ»-ն գերազանցում է հայրենական և արտասահմանյան արտադրության բոլոր սերիական ՀԻԿ-երին։ Այդպիսի ներուժ ունեցող նորագույն հաուբիցը հետագայում Ռուսաստանի ցամաքային զորքերում կփոխարինի բոլոր «Мста-С» 150 մմ և քարշակային «Мста Б» հրանոթներին:
Նորագույն սպառազինությունների մշակման գործում ՌԴ-ի համար գերակա է ազգային անվտանգության ապահովումը, ինչպես նաև ռազմատեխնիկական աջակցությունը դաշնակիցներին և ադեկվատ գործընկերներին:
«Կոալիցիա-ՍՎ» հրետանային համակարգը ստեղծվել է մեծ հեռահարությամբ և կրակի մեծ ճշգրտությամբ օժտված արտասահմանյան անալոգներին ի պատասխան։ Ռուսական նախագիծն ընդգրկել է ամենաժամանակակից լուծումները, տեխնոլոգիաներն ու բաղադրիչները, ինչը թույլ է տվել մարտական և գործառնական բնութագրերի գերազանց համադրություն ստանալ: Բացառապես հանուն խաղաղության և միջազգային կայունության ամրապնդման։
100 միլիոնանոց պարադոքս․ ինչու է F-35-ի պոչը պոկվում գերձայնային արագության ժամանակ
