ԵՐԵՎԱՆ, 28 մայիսի — Sputnik. ՀՀ երկրորդ նախագահ Ռոբերտ Քոչարյանի անունից Սարդարապատ հուշահամալիրում ծաղկեպսակ է դրվել։ Տեղեկությունը հրապարակված է Ռոբերտ Քոչարյանի պաշտոնական է ֆեյսբուքյան էջում։
28 մայիսի 2020, 14:51
«Արցախի հերոս, Արցախի առաջին և Հայաստանի երկրորդ նախագահ Ռոբերտ Քոչարյանի անունից ծաղկեպսակ է տեղադրվել Սարդարապատի հուշահամալիրում` ի հիշատակ հերոսամարտը կերտած զինվորների»,–ասված է նկարին կից դրված հաղորդագրության մեջ:
Այսօր Հայաստանը նշում է Առաջին հանրապետության օրը։ Արդեն 102 տարի հայ ժողովրդի համար մայիսի 28–ը տոն է։ 1918թ. մայիսին հայ ժողովուրդը կարողացավ ոտքի կանգնել և արժանի հակահարված տալ թշնամուն։ Հաղթելով թուրքական կանոնավոր բանակին, հայ ժողովուրդն ապացուցեց, որ արժանի է ապրելու ազատ ու անկախ երկրում։
