ԵՐԵՎԱՆ, 19 մայիսի — Sputnik. ՀՀ ՊՆ «Բաղրամյան» զորավարժարանում այսօր մեկնարկել է լայնածավալ մարտավարական զորավարժություն «Պաշտպանողական օպերացիայում ԶՈւ հրետանային բրիգադի մարտական գործողությունների նախապատրաստումը և վարումը» թեմայով: Տեղեկությունը հայտնում է ՀՀ պաշտպանության նախարարության մամուլի ծառայությունը։
Նշվում է, որ զորավարժության նպատակն է ստուգել հրամանատարների, շտաբերի և ընդհանուր անձնակազմի կարողությունները ստորաբաժանումը մարտական պատրաստականության բարձր աստիճանի բերելիս, կատարելագործել զինծառայողների գործնական հմտությունները և դաշտային վարժվածությունը:
![«Սմերչը» կրակելու է. «Բաղրամյանում» մարտավարական զորավարժություններ են մեկնարկել «Սմերչը» կրակելու է. «Բաղրամյանում» մարտավարական զորավարժություններ են մեկնարկել - Sputnik Արմենիա](https://cdn.am.sputniknews.ru/img/2310/15/23101579_0:0:1024:576_600x0_80_0_0_1e44bc9151490f4e7948c911b5063586.jpg)
«Զորավարժության առաջին փուլում սպառազինությունը և ռազմական տեխնիկան դուրս են բերվել կենտրոնացման շրջաններ: Եռօրյա զորավարժության եզրափակիչ փուլն ուղեկցվելու է մարտական կրակով»,–ասված է հայտարարության մեջ:
![«Սմերչը» կրակելու է. «Բաղրամյանում» մարտավարական զորավարժություններ են մեկնարկել «Սմերչը» կրակելու է. «Բաղրամյանում» մարտավարական զորավարժություններ են մեկնարկել - Sputnik Արմենիա](https://cdn.am.sputniknews.ru/img/2310/15/23101557_0:0:1024:576_600x0_80_0_0_25af7a114a5205f2cf2795cf8cda046c.jpg)
Զորավարժությանը ներգրավված են օպերատիվ մարտավարական հրթիռների արձակման կայանքներ, «Սմերչ» համազարկային կրակի ռեակտիվ համակարգեր: