ԵՐԵՎԱՆ, 19 մայիսի - Sputnik. Սիրիայում գտնվող Աթ Թանֆ բազայում գտնվող ամերիկյան գրոհայինները համագործակցում են «Իսլամական պետություն» ահաբեկչական կազմակերպության հետ ու իրենց այդ հողի տերն են համարում։ ՌԻԱ Նովոստիի փոխանցմամբ՝ ռուս լրագրողների հետ զրույցում այդ մասին պատմել է գրոհայինների ջոկատի հրամանատար Աբու Խամզին, որը փախել է Աթ Թանֆից ու Սիրիայի կառավարական զորքերի կողմն անցել։
Նշվում է, որ բազայում սովորող գրոհայինների խումբն ավելի վաղ հանձնվել է Սիրիայի կառավարական զորքերին։ Մի ամբողջ ստորաբաժանում լքել է այն հենակետը, որտեղ հերթապահություն է իրականացրել։ Լքելուց հետո ԱՄՆ-ի վերահսկողության տակ գտնվող արմատականները հարձակվել են նրանց վրա։ 27 գրոհայինի հաջողվել է դուրս պրծնել։
Հայտնի է, որ ամերիկյան հրահանգիչները փախած գրոհայիններին պատրաստում էին նավֆագազային ու տրանսպորտային օբյեկտների վրա դիվերսիաներ անելու, ինչպես նաև Սիրիայի կառավարական բանակի վերահսկողության տակ գտնվող տարածքում ահաբեկչություններ իրականացնելու համար։
«Ամերիկացիները կարծում են, որ դա իրենց հողն է։ Նրանք այնտեղ իրենց թագավոր են զգում։ Աշխատում են, համագործակցում են ԻՊ-ի հետ։ Նրանք աշխատել ու աշխատում են իգիլականների հետ», - ասել է Աբու Խամզին։
Կորոնավիրուսն ու միջուկային մրցավազքը. ինչի՞ մեջ է ԱՄՆ–ն փորձում ներքաշել Չինաստանին
Նշենք՝ Աթ Թանֆը սիրիական Հոմս քաղաքում գտնվող միջազգային կոալիցիայի ռազմաբազան է, գտնվում է Իրաքի հետ սահմանային Աթ Թանֆ սահմանապահ անցակետից 23 կմ դեպի հյուսիս-արևմուտք։ Միացյալ Նահանգները ռազմաբազան ստեղծել է 2017 թվականի ապրիլ-մայիսին։ Արևմտյան ու մերձարևելյան դաշնակիցներն այն օգտագործում են «չափավոր ընդդիմության» ներկայացուցիչների զինվորական պատրաստության համար։
Հիշեցնենք` «Իսլամական պետությունը» Ռուսաստանում և մի շարք այլ երկրներում արգելված ահաբեկչական կազմակերպություն է։
Խոշոր ահաբեկչություն սիրիական Աֆրինում․ ԱՄՆ պետքարտուղարը համերաշխության կոչ է արել
