ԵՐԵՎԱՆ, 13 մայիսի –Sputnik. Ռուսաստանի վարչապետ Միխայիլ Միշուստինը կառավարության անդամներին կոչ է արել առավելագույն օպերատիվություն ցուցաբերել կորոնավիրուսային վարակի հետ կապված` քաղաքացիներին և տնտեսությանն աջակցելու նոր միջոցների ներդրման հարցում։
«Այն միջոցները, որոնց մասին մենք այսօր խոսում էինք, անհրաժեշտ է ներդնել առավելագույնս օպերատիվ», – երկրում սոցիալ–տնտեսական վիճակի մասին խորհրդակցության ժամանակ ասել է Միշուստինը։
Ըստ նրա` ՌԴ նախագահի կողմից նախարարների կաբինետի առաջ դրված խնդիրն առանց ուշացման ֆինանսական միջոցներ հասցնելն է մարդկանց և բիզնեսին։
«Հետևաբար, ամեն ինչ պետք է արվի առանց հապաղելու», – ասել է Միխայիլ Միշուստինը։
«Ամեն օր կապի մեջ ենք նրա հետ»․ Պուտինը խոսել է Միշուստինի առողջական վիճակի մասին
Հիշեցնենք, որ ՌԴ վարչապետը կորոնավիրուսով վարակվելու մասին հայտարարել էր ապրիլի 30-ին` նախագահ Վլադիմիր Պուտինի հետ տեսակոնֆերանսի ժամանակ։ Միշուստինն ասել էր, որ ինքնամեկուսացման ռեժիմ է պահպանելու։ Վարչապետի ժամանակավոր պաշտոնակատար էր նշանակվել առաջին փոխվարչապետ Անդրեյ Բելոուսովը։
