ԵՐԵՎԱՆ, 12 մայիսի –Sputnik. Աշխարհում կորոնավիրուսով հիվանդացության բացահայտված դեպքերի ընդհանուր թիվը գերազանցել է 4.2 միլիոնը։ Տեղեկությունը հաղորդում է Worldometer համաշխարհային վիճակագրության կայքը։
Մայիսի 12-ի առավոտյան տվյալներով` աշխարհում COVID-19–ի 4 256 022 դեպք է հաստատվել։ Համավարակի զոհ է դարձել 287 332 պացիենտ։
Վարակի տարածման ցուցանիշով առաջին տեղում է Միացյալ Նահանգները։ Այստեղ կորոնավիրուս է ախտորոշվել 1 385 834 մարդու մոտ։ Ընդհանուր առմամբ մահացել է 81 795 վարակակիր։
Երկրորդ տեղում Իսպանիան է։ Հաստատված դեպքերի քանակն այստեղ 268 143 է, մահվան ելքերը` 26 744։
Երրորդ հորիզոնականը զբաղեցրել է Մեծ Բրիտանիան, որը վարակի տարածման տեմպերով գերազանցել է Ռուսաստանին ու Իտալիային։
Մեծ Բրիտանիայում կորոնավիրուս հայտնաբերվել է 223 060 մարդու մոտ։ Մահացել են 32 065–ը։
«Սա պատերազմ է». Ռուսաստանում կորոնավիրուսով վարակված հայ բժիշկը` համավարակի մասին
Այս «հակավարկանիշի» առաջին տասնյակում են նաև Ֆրանսիան, Գերմանիան, Բրազիլիան, Թուրքիան և Իրանը։
Չինաստանը, որտեղ 2019 թվականի վերջին առաջին անգամ գրանցվել էր կորոնավիրուսի բռնկում , այժմ աշխարհում 11-րդ տեղում է։ Այստեղ հաստատված դեպքերի քանակը 82 919 է, իսկ մահվան ելքով դեպքերինը` 4 633։
Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ: Կազմակերպությունը բոլոր պետություններին կոչ է արել միավորվել վարակի դեմ պայքարում։
Ագրեսիա՞, վախե՞ր... հոգեբաններն ասել են` ինչ հետևանքներ կթողնի համավարակը
