ԵՐԵՎԱՆ, 12 մայիսի –Sputnik. Սանկտ Պետերբուրգի Սուրբ Գեորգի հիվանդանոցում այսօր հրդեհ է բռնկվել։ Տեղեկությունը հայտնում են ռուսական ԶԼՄ–ները` հղում անելով տարածաշրջանի ԱԻՆ ԳՎ մամուլի ծառայությանը։
Նախնական տվյալներով` 5 մարդ է մահացել։
Նշվում է, որ բուժհաստատությունը վերապրոֆիլավորվել է կորոնավիրուսով վարակվածներին բուժելու համար։
Հրդեհի մասին ահազանգ ստանալուց հետո` ժամը 06:23–ին, ԱԻՆ ստորաբաժանումները մեկնել են Հյուսիսային պողոտա 1 հասցե։ Հրդեհի մարմանը մասնակցել է ԱԻՆ անձնակազմից 75 հոգի, ներգրավվել է տեխնիկայի 15 միավոր։
Այրման մակերեսը 6-րդ հարկի վերակենդանացման բաժանմունքում 10 քմ է։ 06:55–ին հրդեհը մեկուսացվել է։
Ըստ տեղեկությունների` բաժանմունքում 16 պացիենտ է եղել։ 5 մարդ, որոնք հիվանդ են եղել կորոնավիրուսով, մահացել են։
Ողբերգական հրդեհ Լենինգրադի մարզում․ 8 մահացածից 6-ը երեխաներ են
Mash Telegram ալիքի տվյալներով` 4-ը թունավորվել են շմոլ գազից, 5-րդի մոտ անջատվել է թոքերի արհեստական շնչառության սարքը։
Մյուս հիվանդներին բժիշկները տեղափոխել են հաստատության այլ հատված։
Ընդհանուր առմամբ` մոտ 150 մարդ է տարհանվել։
Սարսափելի հրդեհ Կրասնոգորսկում. կան զոհեր և վիրավորներ. տեսանյութ
