ԵՐԵՎԱՆ, 11 մայիսի – Sputnik. Հայտնի դիմահարդար Գոհար Ավետիսյանը, որին Ռուսաստանում և Հայաստանում անվանում են «հրաշագործ և մեյքափի գուրու», Instagram–ի իր բաժանորդներին հիացրել է նոր լուսանկարներով, որտեղ նա արքայադստեր, հնդկուհու, առանց դիմահարդարման հղի տանտիրուհու կերպարներում է։ Գոհարը նաև բողոքել է, որ երեխան շուտով կծնվի, իսկ ինքը կարանտինի պատճառով չի կարողանում անձամբ նրա համար շորեր ընտրել։
«Հարց` բոլոր մայրերին. դուք օրորոցը կամ երեխայի հագուստը նախապե՞ս եք գնել, թե՞ ամեն ինչ թողել եք ծնվելուց հետո։ Թե չէ շատերն ասում են` նախօրոք չի կարելի... Թեև դուրս գալու հնարավորություն էլ չկա հիմա։ Ամբողջ կյանքս այս պահին եմ սպասել, պատկերացրել եմ` իբր քայլում եմ խանութներով, ընտրում ապագա բալիկի համար անհրաժեշտը, իսկ իրականում` առավելագույնը, որ կարող եմ անել, ընտրել ու պատվիրել օնլայն։ Բայց ես այդպես չեմ սիրում, սիրում եմ ինքս շոշափել, զգալ կտորը։ Իսկ դո՞ւք», – հարցրել է նա բաժանորդներին։
Նշենք, որ դիմահարդարը տարբեր կերպարների ինքնատիպ և շատ արտասովոր «մարաթոն» է սկսել։ Ավելի վաղ նա ներկայացել էր Ժասմին արքայադստեր, հնդկուհու և այլ կերպարներում։
«Պատկերացնում էի, թե ինչպես եմ վազվզելու խանութներով»․ Գոհար Ավետիսյանը նեղսրտել է
Առաջին ամուսնուց (գործարար Վաղինակ Մարտիրոսյան) բաժանվելուց հետո Ավետիսյանը գրեթե կես տարի ընկճախտի մեջ էր։ Նրանք միասին ապրել են երկու տարի, բայց միմյանց ճանաչում էին հինգ տարի։ Մինչև ամուսնությունը պարզապես ընկերներ էին, շփվում էին։ Մի անգամ Ավետիսյանը խոստովանել է, որ իր և Վաղինակի միջև կայծը բռնկվել է հարսանիքից ընդամենը մեկ ամիս առաջ։ Սակայն նրանց համատեղ կյանքը երկար չի տևել։ Ամուսնալուծությունից հետո դիմահարդարը 43 կգ-ով նիհարել է և նոր սեր գտել։
Նրա երկրորդ ամուսինը հանրային դեմք չէ։ Երկրպագուները հաճախ են նրանց միասին լուսանկարում։ Ըստ որոշ աղբյուրների՝ մինչ Գոհարի հետ ամուսնանալը տաքսու վարորդ է աշխատել։ Սոցիալական ցանցերում գրանցված չէ։ Այսօր Գոհարը հղի է։ Նա զույգ տղա է լույս աշխարհ բերելու։
Հղի արքայադուստր ուզո՞ւմ եք տեսնել․ Գոհար Ավետիսյանի նոր կերպարը հիացրել է հետևորդներին
Գոհարը ծնունդով ՀՀ Մարտունիից է, նրա ընտանիքը Մոսկվա է տեղափոխվել, երբ աղջիկն ընդամենը մեկ տարեկան էր։ Գոհարը, դիմահարդարման իր վարպետությամբ, բառացիորեն գրավել է Մոսկվան։ Կոսմետիկ նյութերով սկսել է աշխատել դեռ 11-12 տարեկանում։
16 տարեկանում ընդունվել է Ռուսաստանի ժողովրդական տնտեսության և պետծառայության ակադեմիա՝ տնտեսագիտության ֆակուլտետ։ Դեռ առաջին կուրսում սկսել է շպարել բոլոր ընկերուհիներին ու ծանոթներին։
Սիրած զբաղմունքը դարձել է աշխատանք, նա ստիպված է եղել թողնել ուսումը։ Արդյունքում 2012թ-ին Գոհարը սկսել է դասավանդել։ Սկզբում դիմահարդարման վարպետության դասընթացներ էր անցկացնում, իսկ հիմա արդեն իր դպրոցն ու ստուդիան ունի Մոսկվայի կենտրոնում։
