ԵՐԵՎԱՆ, 7 մայիսի – Sputnik․ Քրեական հեղինակություն Շաքրո Մոլոդոյը (Զախարի Քալաշով)՝ Ռուսաստանում կազմակերպված հանցավորության աշխարհի առաջնորդը, հայհոյել է Կոբա Կրասնոդարսկուն (Կոբա Ձիձիշվիլի) և չի ճանաչել նրա գողական տիտղոսը։ Տեղեկությունը հայտնում է «Պրայմ քրայմ» կայքը։
2018թ․-ի մարտին Շաքրո Մոլոդոյը շորթման մեղադրանքով 9 տարի 10 ամիս ազատազրկման է դատապարտվել խիստ ռեժիմի գաղութում։ Նա հիմա №2 (ՈՒԳ-2) ուղղիչ գաղութում է, որը գտնվում է Կրասնոդարի երկրամասի Դվուբրատսկի գյուղում։
«Գողի կարգավիճակը որոշվում է բանտում՝ մյուս գողերի կողմից։ Սկզբում Շաքրոն Կոբային անվանել է ․․․ (թեթևաբարո կնոջ հոմանիշը. խմբ․)։ Բայց որոշ ժամանակ անց մտածել ու մեղմացրել է միտքը՝ ասելով, որ Կոբան պարզապես գող չէ»,-գրում է կայքը։
ԱԱԾ–ն դուրս է եկել «օրենքով գողերի» դեմ․ պատվիրել էին սպանել «Բոդոլին». «Ժողովուրդ»
Շաքրո Մոլոդոյի կտրուկ արձագանքի պատճառ կարող էր լինել Էդիկ Թբիլիսսկուն (իսկական անունը՝ Էդուարդ Ասատրյան), Սերյոժա Օսետրինային (իսկական անունը՝ Սերգեյ Ասատրյան) և Գուրամ Քութայիսկուն (իսկական անունը՝ Գուրամ Չիխլաձե) ծեծելու գործում Կոբայի մասնակցությունը։
«Օրենքով գողերին» այսուհետ ասֆալտին կփռեն օրենքի տառին համապատասխան
