ԵՐԵՎԱՆ, 7 մայիսի – Sputnik. Երգիչ, կոմպոզիտոր Սոսո Պավլիաշվիլին, որն այս օրերին իր ընտանիքի հետ մեկուսացել է տանը, վստահ է, որ կորոնավիրուսը ստեղծվել է արհեստական ճանապարհով։ Երգիչն իր կարծիքն է հայտնել «Սոբեսեդնիկին»։
Պավլիաշվիլին ասել է, որ կորոնավիրուսը մտադրված ստեղծվել է արհեսատական ճանապարհով։ Նրա խոսքով՝ մարդկանց որոշակի խումբ, որը գաղտնի ղեկավարում է աշխարհը, որոշել է դրա միջոցով կրճատել երկրի բնակչությունը։
Որպես իր տեսության ապացույց՝ երգիչը նշել է, որ հանգամանքների տարօրինակ զուգադիպմամբ կարանտինային միջոցառումները սահմանվել են քրիստոնյաների Զատկի ու մուսուլմանների Ռամադանի օրերին։
«Այդ սուրբ օրերին մարդկանց փակեցին սեփական տներում։ Այսինքն` ինչ-որ մեկը որոշեց, որ այս դժվարին օրերին, բոլոր զրկանքներից բացի, մարդիկ նաև առանց Աստծու պիտի մնան։ Բայց այդպես չի կարող լինել»,- ասել է երգիչը։
Կարանտին «հայկական ձևով». ռուսաստանցի օպերային երգչուհին չի հասցնում ձանձրանալ
Պավլիաշվիլին խոստովանել է, որ օրվա ընթացքում մի քանի անգամ աղոթում է։ Արտիստն անհանգստանում է իր դուստրերի համար, որոնք մնացել են առանց ընկերների ու դպրոցի։
«Երեխաները կարոտում են միմյանց, իմ դուստրերի դեպքում նույնիսկ բանը հասնում է արցունքների։ Համացանցով հնարավոր չէ դաստիարակել նրանց»,-ասել է երգիչը։
Նշենք, որ Սոսո Պավլիաշվիլին այս օրերին մեկուսացել է իր մեծ տանը կնոջ՝ Իրինայի, 32-ամյա որդու՝ Լևանի և երկու դուստրերի՝ 15-ամյա Ելիզավետայի և 11-ամյա Սանդրայի հետ։
«Մենք շատ ենք ուզում դպրոց վերադառնալ»․ ինչ են զգում դպրոցականները կարանտինի ժամանակ
