Գոհար Ղումաշյանի տեղեկացմամբ` Հայրենական մեծ պատերազմի հաղթանակի 75–ամյակին ընդառաջ այս տարի ևս «Հայաստանի անմահ գունդ» հայրենասիրական հասարակական կազմակերպությունը անպայման անցկացնելու է «Անմահ գունդ» քայլերթը, բայց ելնելով երկրում առկա իրավիճակից` մայիսի 9-ին կկայանա առցանց քայլերթ։
«Մեր սոցիալական կայքերում կտեղադրենք բարեկամների լուսանկարները և կներկայացնենք նրանց հերոսական տարիների պատմությունները։ Որպեսզի մեր քաղաքացիները կարողանան մասնակցել առցանց քայլերթին, պետք է սոցիալական կայքերում տեղադրեն իրենց բարեկամ հերոսների լուսանկարները` օգտագործելով «Հայաստանի անմահ գունդ 2020» հեշթեգը։ Այդպիսով այդ լուսանկարը կհայտնվի մեր կազմակերպության էջում, և ավելի շատ մարդիկ կկարողան տեսնել ու մասնակցել առցանց արշավին»,– ասաց նա։
Մասնագիտությունն ազատեց գնդակահարությունից, կամ փրկվեց պատերազմից և զոհվեց խաղաղ օրերում
Ըստ Ղումաշյանի` երբ իրավիճակն ավելի մեղմանա, հավանաբար աշնանը կկայանա «Հայաստանի անմահ գունդ» ավանդական քայլերթը, և ինչպես նախորդ չորս տարիների ընթացքում, ՀՀ քաղաքացիները կկարողանան իրենց բարեկամների լուսանկարները մեծացնել և այդ օրը քայլել բարեկամների լուսանկարները վեր պարզած։ Ղումաշյանը հայտնեց նաև, որ ԶԼՄ–ների միջոցով մարդիկ հավելյալ կտեղեկանան, թե աշնան կոնկրետ որ օրը կկայանա քայլերթը, որպեսզի անմիջականորեն մասնակցեն նախանշված միջոցառմանը, որն այս անգամ կանցկացվի «լայֆ» ռեժիմով։
ՀԿ-ի նախագահի փոխանցմամբ` իրենք քաղաքացիներից ստացել են բազմաթիվ զանգեր, մարդիկ մտահոգված հարցրել են, թե ինչպես կարելի է Մեծ հաղթանակի 75–ամյակի կապակցությամբ որևէ միջոցառում չանցկացնել։ Ղումաշյանը նշում է, որ անհանգստանալու կարիք չկա, պարզապես առկա իրավիճակից ելնելով` օրն է տեղափոխվում։
Մեծ հայրենականի բոլոր մասնակիցները Հայաստանում հոբելյանական մեդալներ կստանան․ դեսպանատուն
