ԵՐԵՎԱՆ, 5 մայիսի – Sputnik. Հայաստանի Հանրապետության նախագահ Արմեն Սարգսյանը նամակ է հղել Ռուսաստանի Դաշնության վարչապետ Միխայիլ Միշուստինին, որը գտնվում է կորոնավիրուսից բուժվելու գործընթացում: Տեղեկությունը հայտնում է նախագահի մամուլի ծառայությունը։
«Նախագահը նրան մաղթել է առողջություն և շուտափույթ ապաքինում»,– նշված է հաղորդագրության մեջ:
Հիշեցնենք, որ ՌԴ վարչապետը կորոնավիրուսով վարակված լինելու մասին հայտնել էր ապրիլի 30-ին նախագահ Վլադիմիր Պուտինի հետ տեսախորհրդակցության ընթացքում։ Միշուստինն ասել էր, որ ինքնամեկուսացման ռեժիմ է պահպանելու։ Կառավարության ղեկավարի ժամանակավոր պաշտոնակատար է նշանակվել ՌԴ առաջին փոխվարչապետ Անդրեյ Բելոուսովը։
ՌԴ կառավարության ղեկավարի մամուլի քարտուղար Բորիս Բելյակովն այսօր հայտնել է, որ Միշուստինը շարունակում է բուժվել պետական բուժհաստատություններից մեկում։ Նրա վիճակն ընդհանուր առմամբ նորմալ է։ Բժիշկներն անհրաժեշտ օգնություն են ցուցաբերում` օգտագործելով այն դեղամիջոցները, որոնք ՌԴ առողջապահության նախարարությունը խորհուրդ է տալիս COVID-19-ի բուժման համար։
