«Էրեբունիում» տեղակայված ռուսական ավիաբազայի և ՀՀ ՊՆ ռազմաօդային ուժերի օդաչուները Հայրենական մեծ պատերազմում տարած հաղթանակի 75-ամյակի տոնական թռիչքի վերջին՝ գլխավոր փորձն են անցկացրել: Հայտնում է Հարավային ռազմական օկրուգի մամուլի ծառայությունը։
Տոնական թռիչքի նախապատրաստական աշխատանքներին ընդհանուր առմամբ մասնակցել է շուրջ 20 միավոր ռազմական ու օդային տեխնիկա: Մայիսի 9-ին՝ Երևանի ժամանակով 11:00-ին, Երևանի ու Գյումրու երկնքում ցուցադրական թռիչքներ կիրականացնեն «Էրեբունի» ռազմաբազայի և ՀՀ ՊՆ օդուժի ինքնաթիռներն ու ուղղաթիռները:
Նման տոնական թռիչքներ նախկինում իրականացվել են միայն Երևանում: Գյումրիում այն այս տարի կիրականացվի առաջին անգամ:
Մի-8МТ ռազմա-տրանսպորտային և հարվածային Մի-24Պ-ով ուղղաթիռների անձնակազմերը կսլանան Երևանի «Մայր Հայաստան» հուշահամալիրի վրայով, ապա ուղղություն կվերցնեն դեպի Գյումրի, որտեղ կանցնեն Գյումրու «Սև» (Փոքր), և «Աեքսանդրոպոլ» (Մեծ) բերդերի վրայով:
Հիշեցնենք, որ կորոնավիրուսի տարածումը կանխելու նպատակով Հայաստանում գործող արտակարգ դրության ռեժիմի պայմաններում օդաչուները նաև հեռակա կերպով շնորհավորել են Մեծ հայրենականի 75-ամյակը՝ ավիացիոն շքերթին պատրաստվելու ընթացքում անհատապես դիմելով վետերաններին։ Օդաչուների շնորհավորանքը նախապես տեսագրվել է։
Բալասան պապի ամենակարևոր մեդալը, կամ Հայաստանի ճակատագիրը Ստալինգրադի ելքից էր կախված
