ԵՐԵՎԱՆ, 1 մայիսի - Sputnik. ՀՀ վարչապետ Նիկոլ Փաշինյանի մամուլի քարտուղար Մանե Գևորգյանը կարձագանքի ԱԱԾ նախկին տնօրեն Արթուր Վանեցյանի փաստաբանների հայտարարությանը, եթե դրա կարիքը լինի:
«Ես ծանոթացել եմ Վանեցյանի փաստաբանների հայտարարությունը, և երբ դրա կարիքը լինի, կմեկնաբանեմ այն»,- Sputnik Արմենիայի հետ զրույցում ասել է նա:
Ավելի վաղ Վանեցյանի փաստաբանական թիմը տեղեկացրել էր, որ զրպարտության համար քաղաքացիական հայց է պատրաստում Գևորգյանի դեմ: ԱԱԾ նախկին տնօրենին զայրացրել են մամուլի քարտուղարի՝ իր մասին ասված խոսքերը:
Հիշեցնենք` ապրիլի 28-ին ՀՀ վարչապետի մամուլի խոսնակ Մանե Գևորգյանը Facebook-ում գրել էր, թե ՀՀ վարչապետի աշխատակազմի տվյալներով` Զանգեզուրի պղնձամոլիբդենային կոմբինատում ՀՀ երրորդ նախագահ Սերժ Սարգսյանի փեսա Միքայել Մինասյանի փայաբաժինն առերևույթ պաշտոնական լիազորությունների չարաշահմամբ և կեղծ փայատերերի օգնությամբ ձեռք է բերել ԱԱԾ նախկին տնօրեն Արթուր Վանեցյանը։ Վերջինի հորը պատկանող ընկերությունը դարձել է նաև ԶՊՄԿ-ի բեռների խոշոր փոխադրող։
Քեռյան. «Իշխանությունները լուրջ են ընդունում Վանեցյանից եկող վտանգը»
Հավելենք, որ Վանեցյանը ԱԱԾ տնօրենի պաշտոնից հրաժարական է տվել է 2019 թվականի սեպտեմբերին: Այս տարի փետրվարին նա հայտարարել էր քաղաքական կուսակցություն ստեղծելու իր մտադրության մասին:
