ԵՐԵՎԱՆ, 28 ապրիլի – Sputnik. Ռուսաստանաբնակ անեսթեզիոլոգ–ռեանիմատոլոգ Ռուբեն Հակոբյանը, որն աշխատում է Մոսկվայի հիվանդանոցներից մեկում պացիենտներին բուժելիս վարակվել է կորոնավիրուսով։ Բժիշկը COVID-19–ի դեմ պայքարն իրական պատերազմ է համարում։ Նա այդ մասին նա պատմել է 360tv.ru պարբերականին։
Բժիշկը միանգամից չի հասկացել, որ վարակվել է։ Մտածել է, որ գերհոգնածության պատճառով է վատ զգում իրեն, քանի որ հիվանդանոցում ստիպված էր աշխատել 12 ժամ շարունակ։ Սակայն, երբ ինքնազգացողությունը վատթարացել է, իսկ ջերմությունը բարձրացել մինչև 38.5, հասկացել է, որ վարակվել է։
Սկզբում նա ստացիոնար բուժում է ստացել, իսկ երբ վիճակը ավելի է վատացել նրան տեղափոխել են մերձմոսկովյան Լապինոյի հոսպիտալ։ Այսօր Հակոբյանը վերակենդանացման բաժնում է, սակայն իրեն ավելի լավ է զգում։
«Պարզապես չեք պատկերացնում, թե ինչ է նշանակում ամեն ինչ թողնել և գալ հիվանդանոց։ Այդ հանդերձանքով դժվար է շնչել, տեղաշարժվել, աշխատել, ու այդ ամենին վերջ չկա։ Սա իսկապես պատերազմ է։ Բժիշկները շատ ծանր ժամանակներ են ապրում», – ասել է Հակոբյանը` պատմելով իրեն բուժող բժիշկների մասին։
Վրաստանում ավելի կարգապա՞հ են, թե՞ թեստերն են քիչ. դեսպանը՝ կորոնավիրուսի դեպքերի մասին
Նրա խոսքով` Լապինոյում ինքը սերտ շփվում է իրեն բուժող բժիշկի հետ։ Ամեն առավոտ նրա մոտ է գալիս բաժնի վարիչն ու տեղեկացնում վերջին օրվա ընթացքում նրա վիճակում առկա փոփոխությունների մասին։
Հակոբյանը COVID-19–ի դեմ պայքարող իր գործընկերներին իսկական հերոսներ է համարում։
Ինչ վնասներ են հասցրել կորոնավիրուսն ու նավթի գինը Ադրբեջանի տնտեսությանը
Նշենք, որ Ռուսաստանում վերջին մեկ օրվա ընթացքում կորոնավիրուսով վարակվելու 6198 նոր դեպք է հայտնաբերվել։ Ապրիլի 27-ի դրությամբ հիվանդների թիվը Ռուսաստանում հասել է 87 147–ի։ Նոր պացիենտներից գրեթե կեսի մոտ (43,4%) հիվանդությունն ընթանում էր առանց որևէ ախտանշանի։
